Sudigali Sudheer
Sudigali Sudheer : బుల్లితెరపై సుడిగాలి సుధీర్ కు క్రేజ్ మాములుగా ఉండదు. ఇక సినిమాల్లో హీరోగానూ రాణిస్తున్నాడు. అయితే తాజాగా సుధీర్ శ్రీదేవి డ్రామా కంపెనీ షోకు వచ్చాడు. ఈ సందర్భంగా స్టేజీపైనే బుల్లెట్ భాస్కర్.. సుధీర్ సినిమాలను కామెంట్ చేస్తూ ఘోరంగా అవమానించాడు.
తాజాగా విడుదలైన శ్రీదేవి డ్రామా కంపెనీ షో ఎపిసోడ్ లో కమెడియన్లు అందరూ తమకు లైఫ్ ఇచ్చిన వారిని స్టేజీపైకి తీసుకొచ్చారు. ఈక్రమంలో అందరూ తామీ స్థాయిలో ఉండేందుకు సాయం చేసిన వారికి అందరి ఎదుట థ్యాంక్స్ చెప్పారు. ఈక్రమంలో సుడిగాలి సుధీర్ తనకు సాయం చేసిన మల్లెమాలకు, ఈటీవీకి, రాంప్రసాద్, గెటప్ శ్రీను, రష్మిలకు థ్యాంక్స్ చెప్పాడు. అలా సుధీర్ మాట్లాడుతుండగానే బుల్లెట్ భాస్కర్ స్టేజీపైకి వచ్చాడు. ఈక్రమంలో ఆయన కొన్ని కామెంట్లు చేసి సుధీర్ హర్ట్ అయ్యేలా చేశాడు.
స్టేజీపైకి వచ్చిన వెంటనే నేను సుధీర్ కు థ్యాంక్స్ చెప్పాలి మేడమ్..నాకు సర్జరీ అయినప్పుడు బాగా కాలి నొప్పి వస్తే థియేటర్ కు వెళ్లి సినిమా చూసేవాడిని. అప్పుడు తలనొప్పి వచ్చి ఈ నొప్పిని మరిచిపోయేవాడనని అన్నాడు. అయితే ఆ తలనొప్పి వచ్చేలా చేసింది సుడిగాలి సుధీర్ సినిమా వల్లే మేడమ్ అంటూ వివరించాడు. తన పిల్లలు సుధీర్ సినిమాలు వస్తే చాలు థియేటర్ కు వెళ్దామంటున్నారని, ఎలాగూ ఆ సినిమా ఎవరు చూడరు..ఖాళీగా ఆడుకోవడానికి అంటున్నారని చెప్పాడు. దీంతో సుధీర్, రాంప్రసాద్, శ్రీనులు నవ్వగా..ఇంద్రజ మాత్రం కర్ర తీసుకుని స్టేజీపైకి వచ్చి బుల్లెట్ భాస్కర్ ను కొట్టింది.