Dakshina Trailer : భారీ సైకో థ్రిల్లర్ ‘దక్షిణ’.. ట్రైలర్ చూశారంటే షాకే..
Dakshina Trailer
Dakshina Trailer : సైకో థ్రిల్లర్ సినిమాలు ఇప్పటికీ చాలానే వచ్చాయి. సస్పెన్స్, థ్రిల్లర్ ఉంటుంది కాబట్టి ఇలాంటి సినిమాలకు మంచి ఆదరణ ఉంటుంది. అలాంటి కోవలోకి రాబోయే సినిమా ‘దక్షిణ’. దీనికి సంబంధించిన ట్రైలర్ ను సనా బుచ్చిబాబు బుధవారం (మే 15) విడుదల చేశారు.
సైకో థ్రిల్లర్‌గా రూపొందుతున్న ఈ చిత్రానికి కబాలి ఫేమ్ సాయి ధన్షిక నాయకత్వం వహిస్తున్నారు. లాంచ్ ఈవెంట్ సందర్భంగా, దర్శకుడు బుచ్చి బాబు సనా ట్రైలర్‌లో సైకో థ్రిల్లర్ జానర్‌లో ఈ మూవీ ఒక ట్రెండ్‌ను సెట్ చేసే అవకాశం ఉందని, చిత్ర దర్శకుడు ఓషో తులసి రామ్‌పై ప్రశంసల వర్షం కురిపించారు. ట్రైలర్ ఎంత భయానకంగా ఉందో, సినిమా కూడా అలానే ఉండబోతుందన్నారు.
మధుర ఆడియో యూట్యూబ్ ఛానెల్‌ ద్వారా ట్రైలర్ రిలీజ్ చేశారు. 1.49 నిమిషాల నిడివి ఉన్న ఈ ట్రైలర్ లో రక్తం కారుతున్న యువతి, తల లేని యువతి శరీరం ఇలా బయానకంగా ఉంది. ఇది క్రూరమైన సీరియల్ కిల్లర్ పని, వాడిని పట్టుకునేందుకు పోలీస్ ఆఫీసర్ పాత్రలో సాయి ధన్షిక పోరాటం కనిపిస్తుంది.
మంత్ర, మంగళ వంటి మహిళా లీడ్ రోల్ లో కనిపించే చిత్రాలకు ప్రసిద్ధి చెందిన ఓషో తులసీ రామ్ ‘దక్షిణ’ చిత్రానికి దర్శకత్వం వహిస్తున్నారు. ఈ సినిమాలో సాయి ధన్షిక, రిషవ్ బసు నటిస్తున్నారు. కల్ట్ కాన్సెప్ట్స్ బ్యానర్‌పై అశోక్ షిండే నిర్మిస్తున్నారు. లాంచ్ సందర్భంగా నిర్మాత మాట్లాడుతూ సినిమా విడుదల తేదీని త్వరలో ప్రకటిస్తామని తెలిపారు. ట్రైలర్ లాంచ్ కార్యక్రమానికి చిత్రబృందం హాజరైంది. ఈ చిత్రం ‘ఎడ్జ్ ఆఫ్ ది సీట్ థ్రిల్లర్’గా ఉంటుందని మేకర్స్ హామీ ఇచ్చారు. చాలా సస్పెన్స్, ట్విస్ట్‌లు ఉంటాయని చెప్పారు.