Big Boss Sonia : చిన్నోడు పెద్దోడితో కలిసి గేమ్.. టాక్ ఆఫ్ ఇంటర్నెట్ గా బిగ్ బాస్ సోనియా
Big Boss Sonia
Big Boss Sonia : ‘బిగ్ బాస్’ సీజన్ 8లో కొత్త ముఖాలకు జనాలు ఇప్పుడిప్పుడే అలవాటు పడుతున్నారు. లావణ్య-రాజ్ తరుణ్ వివాదంతో శేఖర్ భాషాకు భారీ పాపులారిటీ వచ్చింది. హౌసులో చాలా కూల్ గా జోకులేస్తూ.. షాకింగ్ గా ఎలిమినేట్ అయ్యాడు. ప్రస్తుతం హౌసులో ఉన్న అమ్మాయిల్లో సోనియా ఆకుల ఆకట్టుకుంటుంది. ప్రస్తుతం ‘బిగ్ బాస్’ హౌస్‌లో ట్రయాంగిల్ లవ్ స్టోరీ నడుస్తోంది.. సోనియా ఇద్దరు కంటెస్టెంట్స్‌తో పులిహోర కలుపుతోందని నెటిజన్లు కామెంట్స్ చేస్తున్నారు. కానీ తనకు వాళ్లు అన్నదమ్ములని చెప్పుకొచ్చింది.
నిఖిల్, పృథ్వీలతో క్లోజ్‌గా ఉంటూ.. ప్రేక్షకుల ఫోకస్‌ను తనపైకి తిప్పుకుంటుంది. ఇవన్నీ చేస్తూనే.. మరోవైపు నీతులు వల్లిస్తోంది. అయితే, ఇటీవల నిఖిల్‌తో మాట్లాడుతూ.. స్మోకింగ్ మానేస్తే ఏమైనా ఇచ్చేస్తానంటూ చేసిన కామెంట్స్ సోషల్ మీడియాలో తెగ వైరల్ అయ్యాయి. అంతమాట అనేశావేంటి సోనియా అని చాలామంది ఆమెను ట్రోల్ చేస్తున్నారు. పెద్దపల్లి జిల్లా, మంథని చెందిన ఈ అమ్మడు ఆర్జీవీ సినిమాతో పాపులర్ అయ్యింది. అంతకు ముందు 2019లో వచ్చిన జార్జ్ రెడ్డి సినిమాతో హీరోయిన్ గా ఇండస్ట్రీకి పరిచయం అయింది. ఆ సినిమాలో తన నటనతో ఆకట్టుకుంది. ఆతర్వాత ఆర్జీవీ దర్శకత్వం వహించిన కరోనా వైరస్, ఆశ ఎన్‌కౌంటర్ సినిమాల్లో నటించింది.
ప్రస్తుతం బిగ్ బాస్ లోకి ప్రవేశించి బాగా పాపులారిటీ తెచ్చుకుంది. బిగ్ బాస్ తెలుగు నాలుగో వారానికి చేరుకుంది. ఈ టీవీ షోకి ఇప్పటికే మంచి వ్యూయర్‌షిప్ వస్తోంది. మునుపటి సీజన్ లాగా, ఈ సీజన్ కూడా ఇంట్లో కొన్ని ఆసక్తికరమైన ఘటనలు చోటు చేసుకుంటున్నాయి. అయితే, చివరి వరకు ఎవరు కొనసాగుతారనేది ఆసక్తిని కలిగిస్తోంది. ఇంతలో, నామినేషన్ల ప్రక్రియ మునుపటి ఎపిసోడ్‌లో జరిగింది. ఆ తర్వాత సోనియా ఇంటర్నెట్‌లో చర్చనీయాంశమైంది.
సోనియా ఆకుల మొదటి వారం నుండి ఇంటర్నెట్‌లో ట్రెండింగ్‌లో ఉంది. నిఖిల్, అభయ్, ఇతరులతో మునుపటి స్నేహంతో ఆమె హౌసులోకి ఎంట్రీ ఇచ్చింది. నిఖిల్ వరుసగా నాలుగో వారం కూడా హౌసులో చీఫ్ గా కొనసాగే అదృష్టాన్ని దక్కించుకున్నారు. నిఖిల్ ఈ వరుస విజయాల వెనుక సోనియానే ఉందని చర్చ నడుస్తోంది. కిందటి వారం టాస్క్‌లలో నిఖిల్, పృథ్వీలను ఆయుధాలుగా చేసుకుని సోనియా గేమ్ ఆడినట్లు స్పష్టమైంది. నామినేషన్లలో కూడా నబీల్ ఆమెను నామినేట్ చేస్తున్నప్పుడు, ఆటోమేటిక్‌గా, నిఖిల్, పృథ్వీ జోక్యం చేసుకున్నారు. దీనిని బట్టి సోనియా వారిని ఎంతలా ప్రభావితం చేస్తుందో చెబుతుంది. ప్రేరణ, ఆదిత్య ఓం, యష్మీ , ఇతరులు కూడా సోనియా గేమ్‌ను ఎలా ఆడుతుందో ఆమెకు స్పష్టం చేశారు.