Big Boss Sonia : ఇటు ఓ కన్నేసి ఉంచండి అంటున్న బిగ్ బాస్ సోనియా ఆకుల

Big Boss Sonia : బిగ్‌బాస్‌ తెలుగు సీజన్ 8 రసవత్తరంగా కొనసాగుతోంది. ఈ షో వల్ల నెగెటివ్‌ అయినవారు కూడా చాలామందే ఉన్నారు. వారిలో బిగ్ బాస్ సోనియా ఆకుల ఒకరు. అయితే తాను కరెక్ట్‌గా ఉన్నానని.. కానీ, బిగ్‌బాసే తప్పుగా చూపించాడని ఆగ్రహం వ్యక్తం చేసింది. తన మాటలను, ప్రవర్తనని మరో కోణంలో ప్రేక్షకులకు చూపించాడని, అందువల్లే జనాలు తనను విమర్శిస్తున్నారంటోంది. ఏమాత్రం ఛాన్స్‌ దొరికినా బిగ్‌బాస్‌ను తిడుతూనే ఉంది.  తాజాగా ఈ బ్యూటీ తన ఫ్యాన్స్‌కు గుడ్‌న్యూస్‌ చెప్పింది. సొంత యూట్యూబ్‌ ఛానల్‌ ప్రారంభించినట్లు వెల్లడించింది. సామాజిక సేవ నుంచి బిగ్‌బాస్‌ వరకు మీరు నన్ను ఫాలో అవుతూ వచ్చారు. ఇప్పుడు మీ అందరికీ మరింత దగ్గరయ్యేందుకు కొత్త యూట్యూబ్‌ ఛానల్‌ ఓపెన్‌ చేశాను. ఇటు వైపు ఓ కన్నేసి ఉంటుందని చెప్పుకొచ్చింది.

బిగ్ బాస్ హౌసులో ఉన్నప్పుడు ఈ ముద్దుగుమ్మ మితిమీరిన హగ్గులు, పర్సనల్‌ టార్గెట్‌ వంటి స్వయంకృతపరాధాలను సైతం ఆమె ఒప్పుకోకపోవడం గమనార్హం.  యువర్స్‌ సోనియా అంటూ ఛానెల్ స్టార్ట్ చేసి ఇక్కడ బిగ్‌బాస్‌ షోలో ఎపిసోడ్‌ వెనకాల జరిగిన స్టోరీలను, నా యాక్టింగ్‌ కెరీర్‌కు సంబంధించిన కథనాలను, వ్యక్తిగత విషయాలను, లైఫ్‌స్టైల్‌ కంటెంట్‌.. ఇలా అన్నీ మీతో పంచుకుంటానని చెప్పుకొచ్చింది. అలాగే సెలబ్రిటీల ఇంటర్వ్యూలు కూడా ఉంటాయని ప్రకటించింది. ఇది చూసిన అభిమానులు కచ్చితంగా సపోర్ట్‌ చేస్తామని కామెంట్లు చేస్తున్నారు. మరికొందరు మాత్రం నిన్ను బిగ్‌బాస్‌లోనే చూడలేకపోయాం.. ఇంకా యూట్యూబ్‌లో ఏం చూస్తామని విమర్శిస్తున్నారు.