Bhashyam Praveen : అచ్చంపేట మండలం పెదపాలెం, కొండూరు, మిట్టపాలెం, తాళ్లచెరువు, ఓర్వకల్లు, చిగురుపాడు, రుద్రవరం, కె.వి పాలెం, చల్లగరిక, పుట్లగూడెం గ్రామాల్లో ఈరోజు తెలుగుదేశం, జనసేన, బిజెపి పార్టీ ఉమ్మడి ఎమ్మెల్యే అభ్యర్థి భాష్యం ప్రవీణ్ పర్యటించారు. ఈ సందర్భంగా ఆయా గ్రామాల్లో ముఖ్య నాయకులతో ఎన్నికల సన్నాహక సమావేశం నిర్వహించారు.
ఆయా సమావేశాల్లో నాయకులతో భాష్యం ప్రవీణ్ మాట్లాడుతూ ప్రతి ఒక్కరూ ప్రచారకర్తగా మారాలని, సూపర్ సిక్స్ పథకాల గురించి ఇంటింటికి వెళ్లి వివరించాలని తెలిపారు. అందరూ కలిసికట్టుగా ఉండి తన గెలుపునకు కృషిచేయాలని కోరారు. రాష్ట్రంలో టీడీపీ, జనసేన, బీజేపీ ఉమ్మడి అభ్యర్థుల గెలుపు ఖాయమని అన్నారు.
నాయకలు, కార్యకర్తలు కృషి చేసి భారీ మెజారిటీతో తనను గెలిపించాలని భాష్యం ప్రవీణ్ కోరారు. ఈ కార్యక్రమంలో తెలుగుదేశం, జనసేన, బిజెపి పార్టీ నాయకులు, కార్యకర్తలు పాల్గొన్నారు.