Bhashyam Praveen Campaign : పాపాయపాలెంలో భాష్యం ప్రవీణ్ ఎన్నికల ప్రచారం

Bhashyam Praveen Campaign
Bhashyam Praveen Campaign : బెల్లంకొండ మండలం పాపాయపాలెం గ్రామంలో ఎన్టీయే కూటమి ఎమ్మెల్యే అభ్యర్థి భాష్యం ప్రవీణ్ ఎన్నికల ప్రచారం నిర్వహించారు. ఈ సందర్భంగా పాపాయపాలెం గ్రామస్థులు, టీడీపీ నాయకలు భాష్యం ప్రవీణ్ కు స్వాగతం పలికి, శాలువాలతో సన్మానించారు.
అనంతరం భాష్యం ప్రవీణ్ మాట్లాడుతూ మే 13వ తారీకున జరిగే ఎన్నికల్లో కూటమి అభ్యర్థులను గెలిపించాలని, ఉద్యోగ అవకాశాలు లేక యువత పక్క రాష్ట్రాలకు వలస వెళ్లాల్సిన పరిస్థితి వచ్చిందని అన్నారు. చంద్రబాబు నాయుడు గారిని గెలిపించుకుంటే మన రాష్ట్రంలోనే మన నియోజకవర్గంలోనే ఉద్యోగ అవకాశాలు ఉంటాయని అన్నారు.
సైకిల్ గుర్తుపై ఓటు వేసి తనని అఖండ మెజారిటీతో గెలిపించాలని పెదకూరపాడు నియోజకవర్గ తెలుగుదేశం జనసేన బిజెపి పార్టీ ఉమ్మడి ఎమ్మెల్యే అభ్యర్థి భాష్యం ప్రవీణ్ కోరారు. ఈ కార్యక్రమంలో తెలుగుదేశం, జనసేన, బిజెపి పార్టీ నాయకులు, కార్యకర్తలు, అభిమానులు, యువత, మహిళలు, పెద్ద సంఖ్యలో పాల్గొన్నారు.