Bhashyam Praveen : రాష్ట్రాన్ని కాపాడుకోవాలంటే ఎన్డీఏ ప్రభుత్వం రావాలి

– టిడిపి, జనసేన, బిజెపి ఉమ్మడి ఎమ్మెల్యే అభ్యర్థి భాష్యం ప్రవీణ్

Bhashyam Praveen

రాష్ట్రాన్ని కాపాడుకోవాలంటే ఎన్డీఏ ప్రభుత్వం రావాల్సిన అవసరం ఉందని తెలుగుదేశం, జనసేన, బిజెపి పార్టీ ఉమ్మడి ఎమ్మెల్యే అభ్యర్థి భాష్యం ప్రవీణ్ అన్నారు. అమరావతి మండలం, అత్తలూరు గ్రామంలో  పెదకూరపాడు నియోజకవర్గం ఎమ్మెల్యే అభ్యర్థి భాష్యం ప్రవీణ్ ఎన్నికల ప్రచారం నిర్వహించారు. ఈ సందర్భంగా రోడ్ షో నిర్వహించగా తెలుగుదేశం, జనసేన, బిజెపి పార్టీల నాయకులతో పాటు గ్రామస్థులు పెద్ద ఎత్తున పాల్గొన్నారు. ముందుగా గ్రామ దేవతలను దర్శించుకుని పూజలు చేశారు.

అనంతరం గ్రామస్థులతో మాట్టాడుతూ రాష్ట్రాన్ని కాపాడుకోవాలంటే ఎన్డీఏ ప్రభుత్వం రావాలన్నారు. మెడలు వంచి ప్రత్యేక హోదా తెస్తామన్నారు తెచ్చారా..? ఉద్యోగాలు భర్తీ చేస్తామన్నారు చేశారా..? అని ప్రశ్నించారు. జగన్ వచ్చాక అమరావతిని పూర్తిగా నాశనం చేశారు అని ఆరోపించారు. ఈ సందర్భంగా గ్రామ సమస్యలను అడిగి తెలుసుకుని ఎన్డీఏ ప్రభుత్వం ఏర్పడిన వెంటనే తగు చర్యలు తీసుకొని పరిష్కరిస్తానని హామీ ఇచ్చారు. ఈ కార్యక్రమంలో తెలుగుదేశం, జనసేన, బిజెపి పార్టీల నాయకులు, కార్యకర్తలు, గ్రామస్థులు పాల్గొన్నారు.