Bharatiyadu-2 : ‘భారతీయుడు-2’ డే 1.. కలెక్షన్స్ ఎంతంటే..

Bharatiyadu-2

Bharatiyadu-2 : 1996 మూవీకి సీక్వెల్ గా ఇది తెరకెక్కించామని దర్శకుడు శంక‌ర్ తెలిపారు. ఎన్నో అడ్డంకులు ఎదుర్కొన్న ఈ సినిమా రిలీజ్ కు ముందు భారీ అంచనాలు నెలకొన్నాయి. మిక్స్ డ్ టాక్ దక్కించుకుంది.

ఈ మూవీలో శంకర్ మార్క్ మిస్సయ్యిందని చాలా మంది మూవీ లవర్స్ సోషల్ మీడియాలో రివ్యూస్ ఇస్తున్నారు. కమల్ హాసన్.. ఎప్పటిలాగే తన యాక్టింగ్ తో అదరగొట్టేశారని, హీరోయిన్ రకుల్ తోపాటు సిద్ధార్థ్ బాగా నటించారని మెచ్చుకున్నారు. అయితే ఊహించిన విధంగా ఆకట్టుకోలేకపోయిందని చెప్తున్నారు. అయినా, బాక్సాఫీస్ వద్ద ఓపెనింగ్స్ మాత్రం సాలిడ్ గానే ఉన్నాయి.

భారతీయుడు2 తొలిరోజు వరల్డ్ వైడ్ గా రూ.50 కోట్ల గ్రాస్ వసూళ్లు రాబట్టినట్లు ట్రేడ్ వర్గాలు అంచనా వేశాయి. రూ.26.1 కోట్ల నెట్ కలెక్షన్స్ వసూలు చేసినట్లు తెలుస్తోంది. తమిళంలో రూ.16 కోట్లు వసూళ్లవగా.. తెలుగులో రూ.8 కోట్లు రాబట్టినట్లు సమచారం. నార్త్ లో కోటి మాత్రమే వచ్చినట్లు టాక్. ఓవర్సీస్ లో ప్రీమియర్స్ తో పాటు డే 1 కలెక్షన్లతో కలిపి 3 మిలియన్ల డాలర్లు వరకు రాబట్టినట్లు తెలుస్తోంది.

అయితే, కమల్ ‘విక్రమ్’ మూవీ.. ఫస్ట్ డే రూ.50 కోట్లకుపైగానే వసూలు చేసింది. భారతీయుడు2 మాత్రం ఆ మూవీ కలెక్షన్ల దరిదాపుల్లోకి కూడా చేరుకోలేకపోయింది. శంక‌ర్ లాస్ట్ మూవీ రోబో 2.O ఫస్ట్ డే కలెక్షన్ రూ.93 కోట్ల గ్రాస్. ఈ మూవీ ఓపెనింగ్స్ బాగానే ఉన్నాయి. కాబట్టి వీకెండ్ లో ఈ భారతీయుడు2 మూవీ పెద్ద ఎత్తున వసూళ్లు రాబట్టాలి. అప్పుడే బ్రేక్ ఈవెన్ టార్గెట్ పూర్తవుతుందని ట్రేడ్ వర్గాలు చెప్తున్నాయి.

ఇండియ‌న్2లో క‌మ‌ల్‌, సిద్ధార్థ్‌, ర‌కుల్ తోపాటు ప్రియా భ‌వానీ శంక‌ర్ కూడా కీలక పాత్ర పోషించింది. ఆ మూవీకి సీక్వెల్ ఇండియ‌న్ 3 ఉందని మేకర్స్ అనౌన్స్ చేశారు. ఇండియ‌న్ 2 క్లైమాక్స్‌ లో ఇండియ‌న్ 3 టీజ‌ర్‌ ను కూడా రిలీజ్ చేశారు. అందులో కమల్ హాసన్, కాజల్ నటిస్తున్నారు. మరి ఆ సినిమా ఎలా ఉంటుందో చూడాలి.