Bharateeyudu 2 : మేలో ‘భారతీయుడు 2’..! ఎన్నికలు ఉండడంతో వాయిదా వేసిన మేకర్స్

Bharateeyudu 2

Bharateeyudu 2 : భారతీయుడు సీక్వెల్ లో భాగంగా వస్తున్న రెండో సినిమా ‘భారతీయుడు 2’ కమల్ హాసన్ కథానాయకుడిగా దర్శకుడు శంకర్ తెరకెక్కిస్తున్నారు. ఈ ఏడాది (2024) సినీ అభిమానులు ఎంతగానో ఎదురు చూస్తున్న సినిమాల్లో ఇదీ ఒకటి. ఈ మూవీని ఏప్రిల్ లోనే రిలీజ్ చేద్దామని అనుకున్నా లోక్ సభ ఎన్నికల కారణంగా మేకర్స్ తమ నిర్ణయాన్ని మార్చుకున్నారు. విడుదల తేదీని రెండు నెలల ముందుకు జరపాలని భావించి చివరి షెడ్యూల్ మే 13కు ముగియనుండడంతో మే చివరి వారం రిలీజ్ చేయాలని భావిస్తున్నారు. 2024, ఏప్రిల్ 19న
తమిళనాడులో ఎన్నికలు జరగనున్న నేపథ్యంలో 2024, మేలో ఈ చిత్రాన్ని విడుదల చేసేందుకు నిర్మాతలు సన్నాహాలు చేస్తున్నారు.

2024, జూన్ 1న దేశ వ్యాప్తంగా ఎన్నికలు ముగిశాక ఈ సినిమాను జూన్ లో విడుదల చేస్తే బాగుంటుందని భావిస్తున్నారు. తమిళనాట ఎన్నికల తర్వాత ఈ సినిమా విడుదల తేదీని అధికారికంగా ప్రకటించే అవకాశం ఉంది. కాజల్ అగర్వాల్, ప్రియా భవానీ శంకర్, సిద్ధార్థ్, రకుల్ ప్రీత్ సింగ్, ఢిల్లీ గణేష్, బాబీ సింహా కీలక పాత్రలు పోషిస్తున్నారు.

లైకా ప్రొడక్షన్స్ నిర్మిస్తున్న బ్లాక్ బస్టర్ థ్రిల్లర్ ‘భారతీయుడు’కు సీక్వెల్ గా రూపొందుతున్న ‘భారతీయుడు 2’లో కమల్ హాసన్ స్వాతంత్ర సమరయోధుడు సేనాపతిగా కనిపించనున్నారు. అనిరుధ్ రవిచందర్ ఈ చిత్రానికి సంగీతం అందిస్తున్నారు. మరో ఆసక్తికర విషయం ఏంటంటే.. ‘భారతీయుడు 3’ షూటింగ్ కూడా దాదాపు పూర్తయిందని, దానికి సంబంధించిన పోస్ట్ ప్రొడక్షన్ కూడా శరవేగంగా జరుగుతోందని సమాచారం.