Bhaje Vaayu Vegam : ‘భ‌జే వాయు వేగం’ టీజర్.. తండ్రి కోసం ఓ కొడుకు పోరాటం
Bhaje Vaayu Vegam
Bhaje Vaayu Vegam : ‘ఆర్‌‌ఎక్స్‌ – 100’ ఇండస్ట్రీలో పాతుకుపోయిన నటుడు కార్తికేయ. ఈ సినిమాతో స్టార్ డం సంపాదించుకున్న ఆయనకు ఆ తర్వాత స‌రైన హిట్ ప‌డ‌లేదు. ‘బెదురులంక’ కొంచెంలో కొంచెం ఊర‌ట కలిగించింది. ఇప్పుడు UV క్రియేష‌న్స్‌లో మరో సినిమాలో కనిపిస్తున్నాడు. అదే.. ‘భ‌జే వాయు వేగం’. ఐశ్వర్య మీన‌న్ హీరోయిన్ గా న‌టిస్తున్న ఈ సినిమాకు ప్రశాంత్ రెడ్డి చంద్రపు ప్రొడ్యూసర్. షూటింగ్ పార్ట్ ఇప్పటికే పూర్తయ్యింది. పోస్ట్ ప్రొడక్షన్ పనులు వేగంగా ముగించుకొని త్వరలోనే ఆడియన్స్ ముందుకు తీసుకచ్చేందుకు ఏర్పాట్లు చేస్తున్నారు. ఈ సినిమాకు సంబంధించి టీజర్ మెగాస్టార్ చిరంజీవి చేతుల మీదుగా రీలీజ్ చేశారు.
యాక్షన్ ప్యాక్డ్ స్టోరీ ఇది. డ్రగ్స్ సరఫరాలో ప్రధాన నిందితుడు, ఆ కేసుని ఇన్వెస్టిగేట్ చేస్తున్న అధికారి హ‌త్య కేసులో ప్రధాన నిందితుడిని పట్టుకునేందుకు పోలీస్ డిపార్ట్‌మెంట్ ప్రయత్నిస్తుంది. ఆ ఒక్కడే.. హీరో అస‌లు ఈ కేసులో హీరో ఎలా ఇరుక్కున్నాడు. అందులోంచి ఎలా బ‌య‌ట‌కు వ‌చ్చాడు..? అనే ఇతివృత్తం నేప‌థ్యంలో క‌థ సాగుతుందని టీజర్ ను చూస్తే తెలుస్తోంది.
ఛేజ్ లు, యాక్షన్ సీన్స్, ఎత్తుకు పై ఎత్తులు, పోలీసుల టాస్క్‌.. ఇలా టీజర్ పేరుకు త‌గ్గట్టు ‘వాయి వేగం’తో సాగిపోయింది. టీజ‌ర్‌లో కార్తికేయ చెప్పిన డైలాగ్ ను బ‌ట్టి, ఫాద‌ర్ సెంటిమెంట్ ఉన్నట్లు అర్థమవుతోంది. త‌న తండ్రిని కాపాడుకునేందుకు ఓ కొడుకు చేసే పోరాటం ఈ క‌థ‌గా అనిపిస్తోంది. టీజర్ ప్రామిసింగ్‌గా ఉంది. ప్రేక్షకుల తీర్పు ఎలా ఉంటుందో చూడాలి.