Bhagyashree Borse
Bhagyashree Borse : ఫిలిం ఇండస్ర్టీలో హీరోయిన్ల లైఫ్ చాలా తక్కువ. ఒక్క సినిమాలో మెరిసి ఆ తర్వాత కనుమరుగైన వారు ఎందరో హీరోయిన్లు ఉన్నారు. ఇంకొందరు సినిమాల మీద మక్కువ చంపుకోలేక సెకండ్ హీరోయిన్ గా చేస్తున్నా వారికి లక్కు కలిసి రావడం లేదు. తొలి సినిమా సక్సెస్ అయితే ఆ తర్వాత ఆఫర్లు క్యూ కట్టడం కామన్. కానీ ఈ హీరోయిన్ కు మొదటి సినిమా రిలీజ్ కాకముందే వరుస ఆఫర్లు కుప్పలు తెప్పలుగా క్యూ కడుతున్నాయి. 2023 చివరి వరకు టాలీవుడ్ లో శ్రీలీల పేరు మార్మోగింది. 2024 సంక్రాంతికి రిలీజైన గుంటూరు కారం సినిమా తర్వాత శ్రీలీల సౌండ్ తగ్గిపోయింది. అయితే ఇప్పుడు మరో హీరోయిన్ పేరు టాలీవుడ్ లో మార్మోగిపోతున్నది. టాలెంటెడ్ డైరెక్టర్ హరీష్ శంకర్, రవితేజ కాంబినేషన్ లో తెరకెక్కుతున్న ‘మిస్టర్ బచ్చన్’ సినిమాతో టాలీవుడ్ లోకి ఎంట్రీ ఇస్తుంది భాగ్యశ్రీ బోర్సే.
ఫస్ట్ లుక్ తోనే అదరగొట్టింది.
రవితేజ బర్త్ డే సందర్భంగా జనవరి 26న రిలీజ్ చేసిన మిస్టర్ బచ్చన్ పోస్టర్ లో ఫస్ట్ లుక్ తోనే అదరగొట్టింది భాగ్యశ్రీ బోర్సే. ఈ మూవీ సెట్స్ మీద ఉండగానే వరుస అవకాశాలు వెల్లువెత్తుతున్నాయి. అందులో ఒకటి గౌతమ్ తిన్ననూరి డైరెక్షన్ లో విజయ్ దేవరకొండ చేస్తున్న సినిమా కావడం విశేషం.
తాజాగా మరో క్రేజీ ఆఫర్ ఈ చిన్న దానికి దగ్గరకు వచ్చినట్లు వార్తలు వినిపిస్తున్నాయి.. టాలీవుడ్ స్టార్ హీరో నేచురల్ స్టార్ నాని సుజిత్ డైరెక్షన్ లో ఓ సినిమా చేయబోతున్నట్లు ఇటీవల ప్రకటించిన విషయం తెలిసిందే. ఈ మూవీలో హీరోయిన్ గా భాగ్య శ్రీని ఎంపిక చేసినట్లు సమాచారం. మరికొద్ది రోజుల్లో క్లారిటీ రానుంది. ఈ సినిమా ఓకే అయితే భాగ్యశ్రీ పంట పండినట్లే. ఇప్పటికే విజయ్ దేవరకొండ మూవీలో జాయిన్ అయ్యింది. ఇక నాని సినిమా ఒకే అయితే ఎంట్రీతోనే మూడు సినిమాలతో రికార్డు సృష్టించనుంది.
ఇక ఈ బ్యూటీ ఓ యాడ్ లో నటించి సినిమాలో అవకాశాలు అందుకుంది. క్యాడ్‌బరీ డైరీ మిల్క్ సిల్క్ యాడ్‌తో బాగా ఫేమస్ అయింది. బాలీవుడ్ మూవీ యారియాన్ -2లో ఈ చిన్నదాని పెర్ఫామెన్స్ కి ఫిదా అయిన హరీష్ శంకర్ రవితేజ పక్కన హీరోయిన్ గా సెట్ చేశాడు. అలా తెలుగులోకి అడుగుపెట్టింది. మిస్టర్ బచ్చన్, విజయ్ దేవరకొండ, నాని లాంటి స్టార్ హీరోలతో వరుస అవకాశాలు అంటే పాప లక్ మాములుగా లేదు మరి. ఆ సినిమాలు హిట్టయితే మాత్రం పాపకు తిరుగుండదు.