Kamal Haasan – Keerthy Suresh
Kamal Haasan – Keerthy Suresh : ‘ఒసాకా తమిళ్ ఇంటర్నేషనల్ ఫిల్మ్ ఫెస్టివల్’ విజేతల జాబితాను ప్రకటించారు. 2022లొ విడుదలై మెప్పించిన సినిమాలకు సంబంధించిన వివరాలను ఆదివారం ఆ సంస్థ వెల్లడించింది. ‘విక్రమ్’ ఉత్తమ చిత్రంగా నిలిచింది. అందులో ప్రధాన పాత్ర పోషించిన కమల్ హాసన్ ఉత్తమ నటుడిగా, ‘సాని కాయితం’ చిత్రంలో నటించిన కీర్తి సురేశ్ ఉత్తమ నటిగా నిలిచారు. ఉత్తమ దర్శకుడి పురస్కారానికి మణిరత్నం (పొన్నియన్ సెల్వన్ 1 చిత్రం), ఉత్తమ సంగీత దర్శకుడి పురస్కారానికి అనిరుధ్ (విక్రమ్ సినిమా) ఎంపికైనట్లు సంస్థ తెలిపింది.
అత్యధికంగా ‘విక్రమ్’ 8 విభాగాల్లో, ‘పొన్నియిన్ సెల్వన్ 1’ 7 విభాగాల్లో అవార్డులు దక్కించుకున్నాయి. బెస్ట్ ఎంటర్ టైనర్ గా ‘లవ్ టుడే’ సత్తా చాటింది. జపాన్ దేశంలోని ఒసాకా నగరం ఈ అవార్డుల వేడుకకు వేదికగా మారింది. ఈ ఈవెంట్ కోలీవుడ్, జపాన్ చిత్ర పరిశ్రమల మధ్య వారధిగా నిలుస్తోంది.