150 crores offer
150 crores offer : ఇండియన్ ఫిల్మ్ ఇండస్ట్రీలో బిగ్గెస్ట్ బాక్సాఫీస్ ఫోర్స్ ప్రభాస్. సాహో, రాధేశ్యామ్, ఆదిపురుష్ వంటి ఫెయిల్యూర్స్ ఎదురైనా భారీ కలెక్షన్లు సాధించేందుకు ప్రభాస్ అన్న ఒక్క పేరే కారణం అయ్యింది. ఇప్పుడు సలార్, కల్కి 2898 ఏడీ చిత్రాలు బిగ్గెస్ట్ హిట్లుగా మారాయి. దీంతో మళ్లీ విజయాల బాటలోకి ప్రభాస్ రీఎంట్రీ ఇచ్చాడు.
మారుతితో రాజా సాబ్, సందీప్ వంగతో స్పిరిట్, దర్శకుడు హను రాఘవపూడితో కలిసి ఫౌజీ చేస్తున్నాడు. ఇందులో రాజాసాబ్ రిలీజ్ కాబోతోంది. స్పిరిట్ గురించి ఎలాంటి సమాచారం లేకున్నా. ఫౌజీకి సంబంధించి ముహూర్తం షాట్ అయ్యింది. ఈ సినిమాల కోసం అభిమానులు ఆసక్తిగా ఎదురుచూస్తున్నారు.
రెండో ప్రపంచ యుద్ధం నేపథ్యంలో తెరకెక్కుతున్న ఈ సినిమాలో ప్రభాస్ బ్రిటీష్ సైనికుడిగా కనిపించనున్నాడు. ఆగస్టులో పూజా కార్యక్రమాలు జరుపుకున్న ఈ చిత్రం త్వరలోనే షూటింగ్ ప్రారంభం కానుంది. ఇప్పుడు ఓటీటీ ప్లాట్ ఫామ్ నుంచి ఫౌజీ భారీ దృష్టిని ఆకర్షిస్తున్నట్లు వార్తలు వస్తున్నాయి. ఈ సినిమా సౌత్ వెర్షన్స్ తెలుగు, తమిళం, కన్నడ, మలయాళం స్ట్రీమింగ్ రైట్స్ కోసం అమెజాన్ ప్రైమ్ వీడియో ఏకంగా రూ. 150 కోట్లు ఆఫర్ చేసినట్లు తెలుస్తోంది.
ప్రభాస్ ఇంకా ఫౌజీ సెట్స్ పైకి అడుగు పెట్టకపోవడంతో ఓటీటీ ప్లాట్ ఫామ్స్ తమ ఆఫర్లతో దూసుకుపోతున్నాయి. ప్రభాస్ సినిమా సలార్ స్ట్రీమింగ్ హక్కులను నెట్ఫ్లిక్స్ 160 కోట్లకు దక్కించుకోగా, డిస్నీ+ హాట్స్టార్ హిందీ వెర్షన్ను సొంతం చేసుకుంది. మరి ఫౌజీ హిందీ వెర్షన్ ఎంత వసూలు చేస్తుందనేది ఆసక్తికరంగా మారింది.