Mahesh Babu
Mahesh Babu Movie : రాజమౌళి, మహేశ్ బాబు కాంబినేషన్ లో పాన్ వరల్డ్ మూవీ తెరకెక్కబోతున్న విషయం తెలిసిందే. ఈ మూవీ కోసం రాజమౌళి స్క్రిప్ట్ సిద్ధం చేసి రెడీ పెట్టాడు. ప్రస్తుతం లోకేషన్ల కోసం సెర్చ్ చేస్తున్నట్లు ప్రచారం జరుగుతోంది. పాన్ వరల్డ్ సినిమా అనగానే ఏకంగా మూడు సంవత్సరాలు ఈజీగా తీసుకుంటాడని అనుకుంటున్నారు. ఇలాంటి సమయంలో మహేశ్ బాబు అభిమానులు ఆందోళన చెందుతున్నారు. ఈ సినిమాకు ఒప్పుకున్న తర్వాత మహేశ్ లుక్ మారిపోయింది. జట్టు, గడ్డం పెంచి వెరైటీ లుక్ తో కనిపించారు.
అయితే అప్పటి వరకు వెయిట్ చేయకుండా తన మేనల్లుడు అశోక గల్లా దేవకీ నందన వాసుదేవం మూవీలో గెస్ట్ రోల్ లో నటించినట్లు పుకార్లు వస్తున్నాయి. దీని గురించి ఇప్పటికే ఫిల్మ్ ఇండస్ట్రీ మొత్తం చర్చించుకుంటుంది. అశోక్ గల్లా కు ఇది రెండవ చిత్రం. మొదటి చిత్రం ‘హీరో’ చేయగా అది బాక్సాఫీసు వద్ద డిజాస్టర్ ప్లాప్ అయింది. కానీ ఈ చిత్రంలో అశోక్ గల్లా మంచి డ్యాన్స్, నటనతో ఆకట్టుకున్నారని అభిమానులు చర్చించుకున్నారు.
ఇక మూడేళ్ల దాకా ఆగకుండా మేనల్లుడు మూవీలో మహేశ్ బాబు కనిపిస్తున్నాడని అందులో డబుల్ రోల్ చేస్తున్నాడని టాక్. అయితే ఇదంతా కేవలం వైరల్ చేసేందుకు కొంతమంది చేస్తున్న ప్రయత్నాలే అని అనుకుంటున్నారు. అయితే ఈ విషయంపై మహేశ్ బాబు ఫైర్ అయ్యాడని ఇలాంటి పుకార్లు ఎందుకు ఎవరూ పుట్టిస్తున్నారో అర్థం కావడం లేదని కోప్పడ్డట్లు తెలుస్తోంది.
రాజమౌళి మూవీ మాత్రం మూడు సంవత్సరాలు అని చెబుతుండగా దాని కోసం ఆయన అమెజాన్ అడవుల్లో ఇప్పటికే పర్యటించారని అక్కడ సినిమా షూటింగ్ చేసే అవకాశం ఉందని వార్తలు వినిపిస్తున్నాయి. అమెజాన్ అడవుల్లో చాలా ఏళ్ల క్రితం ప్రజలు ఎలా బతికారో అనే కథతో తీస్తున్నట్లు అనుకుంటున్నారు. కానీ ఇవేవీ నిజం కాదని రాజమౌళి బయటకు వచ్చి చెబితేనే దాని కథ ఏదో తెలుస్తుంది. కాగా వీరిద్దరి కాంబినేషన్ మాత్రం అదిరిపోతుందని ఫ్యాన్స్ చర్చించుకుంటున్నారు.