Actor Sivaji : శివాజీ క్యాప్షన్: ‘షాక్ అయ్యేందుకు రెడీగా ఉండండి’.. ఫ్యాన్స్‌కు సర్‌ ప్రైజ్ ఇవ్వబోతున్నాడా?
Actor Sivaji
Actor Sivaji : సినిమాల్లో ఎవరికి ఎప్పుడు ఎలా బ్రేక్ వస్తుందో అస్సలు చెప్పలేం. కొంతమంది తొలి సినిమాతోనే స్టోర్ హోదా దక్కించుకొని రికార్డులు క్రియేట్ చేస్తూ ఉంటారు. మరికొంతమందికి దశాబ్దాల తర్వాత సక్సెస్ వస్తూ ఉంటుంది. శివాజీ పరిస్థితి కూడా ఇదే. ఒకప్పుడు హీరోగా, క్యారెక్టర్ ఆర్టిస్టుగా 90కి పైగా సినిమాలు చేసిన శివాజీ.. డబ్బింగ్ ఆర్టిస్టుగా కూడా సత్తా చాటాడు. ఆ తర్వాత పాలిటిక్స్ అంటూ కెరీర్‌ను మధ్యలోనే వదిలేశాడు. దీంతో ఊహించని విధంగా ఇండస్ట్రీకి దూరమైపోయాడు. కానీ 52 ఏళ్ల వయసులో బిగ్‌బాస్‌లో అడుగుపెట్టి శివాజీ ఘనంగా సెకండ్ ఇన్నింగ్స్ మొదలుపెట్టాడు.
ఊహించని విధంగా ఆడియన్స్‌ నుంచి మద్దతు సాధించి మూడో ప్లేస్‌లో నిలిచాడు. ఇక బయటికి వచ్చిన తర్వాత ’90s మిడిల్ క్లాస్ బయోపిక్’ వెబ్ సిరీస్‌తో సూపర్ హిట్ అందుకున్నాడు శివాజీ. ఇక ఇప్పుడు స్టార్ హీరోల సినిమాల్లో క్యారెక్టర్ ఆర్టిస్టుగా ఎన్నో అవకాశాలు వస్తున్నాయంటూ శివాజీ ఇటీవల చెప్పాడు. అయితే తాజాగా శివాజీ ఇన్‌స్టాగ్రామ్‌లో పెట్టిన ఓ పోస్ట్ చాలా ఇంట్రెస్టింగ్‌గా ఉంది.
ఏంటి అన్నా ఇది?
తాజాగా డైరెక్టర్ తరుణ్ భాస్కర్‌తో కలిసి ఉన్న కొన్ని ఫొటోలను ఇన్‌స్టాగ్రామ్‌లో షేర్ చేశాడు శివాజీ. “సర్‌ప్రైజ్ కోసం రెడీగా ఉండండి.. చేయబోయేది ఏంటో తెలిస్తే మీకు మాటలు కూడా రావు” అంటూ ఈ పోస్టుకి క్యాప్షన్ ఇచ్చాడు. అయితే ఈ ఫొటోల్లో క్రికెట్ బ్యాట్స్ పట్టుకొని కనిపించారు శివాజీ,తరుణ్ భాస్కర్. ఇవి చూస్తుంటే నెట్స్‌లో ప్రాక్టీస్ చేస్తున్నట్లుగా ఉంది. మరి శివాజీ పెట్టిన ఈ పోస్టుకి అర్థమేంటో నెటిజన్లకి అర్థం కావడం లేదు. కొంతమంది ఏమో ఎవరైనా క్రికెటర్ బయోపిక్ తీస్తున్నారేమో అంటూ కామెంట్లు పెడుతున్నారు. మరికొంతమంది ఏమో ఏదైనా సెలబ్రెటీ క్రికెట్ మ్యాచ్ కోసం ప్రాక్టీస్ చేస్తున్నారనుకుంటా అంటూ గెస్ చేస్తున్నారు. మరి ఇది సినిమా గురించా లేక క్రికెట్ మ్యాచ్ గురించా అనేది శివాజీనే చెప్పాలి.
అయితే ప్రస్తుతం శివాజీ పలు స్క్రిప్ట్స్ వింటూ ఇండస్ట్రీలో బిజీ అవ్వడానికి ట్రై చేస్తున్నాడు. మరో వైపు తరుణ్ భాస్కర్ కూడా ఇటీవల కీడా కోలా సినిమాతో ఆడియన్స్‌ను పలకరించాడు. ఈ సినిమా ఫర్వాలేదనిపించింది. మరి వీరిద్దరి కాంబోలో ఏదైనా సినిమా పడుతుందేమో చూడాలి. ఎంటర్‌టైన్‌మెంట్ మూవీస్ తీయడంలో తరుణ్ భాస్కర్‌కి మంచి పేరు ఉంది. అలానే శివాజీకి కూడా మంచి కామెడీ టచ్ ఉంది. మరి వీరి కాంబోలో ఏదైనా ప్రాజెక్టు పడితే ఇంట్రెస్టింగ్‌గానే ఉంటుంది.
View this post on Instagram
View this post on Instagram