Balayya Hat-Trick
Balayya Hat-Trick : టాలీవుడ్ లో మాస్ హీరోగా గుర్తింపు సంపాదించుకున్న నందమూరి బాలకృష్ణ ఇటీవల ‘అఖండ’, ‘వీరసింహారెడ్డి’, ‘భగవంత్ కేసరి’ చిత్రాలతో హ్యాట్రిక్ విజయాలు అందుకున్నారు. ఇదే విజయ పరంపరను రాజకీయాల్లో పునరావృతం చేసే దిశగా అడుగులు వేస్తున్నాడు. టీడీపీ ఆవిర్భావం నుంచి కంచుకోటగా ఉన్న హిందూపురం నుంచి 2014, 2019లో ఎమ్మెల్యేగా విజయం సాధించారు.
టీడీపీ అధికారం కోల్పోయినా 2014తో పోలిస్తే 2019లో హిందూపురంలో అధిక మెజారిటీ సాధించి గుర్తింపు నిలబెట్టుకున్నారు బాలకృష్ణ. హిందూపురంలో ఎన్‌బీకేను ఓడించేందుకు జగన్ ఎన్ని ప్రయత్నాలు చేసినా ఫలితం లేకుండా పోయింది. 2014 నుంచి బాలకృష్ణను ఎదుర్కొనేందుకు వైసీపీ 3 సార్లు తన అభ్యర్థిని మార్చింది. వైసీపీ గెలుపు బాధ్యతను పెద్దిరెడ్డికి జగన్ అప్పగించారు.
కురాబా, వాల్మీకి, ముస్లిం సామాజికవర్గాలు ఆధిపత్యం చెలాయిస్తున్న హిందూపురంలో వైఎస్ జగన్ పలు వ్యూహాలను ప్రయోగించారు. వచ్చే ఎన్నికల్లో కురాబా సామాజికవర్గానికి చెందిన దీపికను వైసీపీ అభ్యర్థిగా బరిలోకి దింపింది. హిందూపురంలో ఇటీవల నిర్వహించిన సర్వేలో బాలకృష్ణకు 67 శాతం ఓట్లు రాగా, ఆయన సమీప ప్రత్యర్థి వైసీపీ అభ్యర్థి దీపికకు 29 శాతం ఓట్లు వచ్చాయి.
దీపిక అభ్యర్థిత్వానికి పూర్తిగా మద్దతు ఇవ్వని ఆ పార్టీ నాయకులు, క్యాడర్ మధ్య సమన్వయ లోపం టీడీపీకి అదనపు అడ్వాంటేజ్ ఇవ్వడం వైసీపీకి ప్రధాన లోపం. 2014 నుంచి 2019 వరకు టీడీపీ పాలనను అభివృద్ధికి ఉపయోగించుకుంటూ ఆ సెగ్మెంట్ కు అంకితభావంతో సేవలందించడం వల్లే హిందూపురంలో బాలకృష్ణకు ప్రజాదరణ లభించింది.
బాలకృష్ణ తన మొదటి పదవీకాలంలో తాగునీటి సమస్య వంటి క్లిష్టమైన సమస్యలను విజయవంతంగా పరిష్కరించారు. కొవిడ్-19 మహమ్మారి సమయంలో అనేక కుటుంబాలకు మెడికల్ కిట్లను పంపిణీ చేయడంతో సహా ఆయన చేసిన కృషి విస్తృతంగా ప్రశంసలను అందుకుంది. వైఎస్సార్సీపీ మద్దతుదారులు కూడా వైద్య సాయంతో లబ్ధిపొందారు.
ఖరీదైన చికిత్సల కోసం బెంగళూరు వెళ్లాల్సిన అవసరాన్ని తగ్గించి హిందూపురంలోని పలు ప్రాంతాల్లో డయాలసిస్ కేంద్రాల ఏర్పాటుకు బాలయ్య బాబు శ్రీకారం చుట్టారు. అంతేకాకుండా హిందూపురం అభివృద్ధి కోసం రింగ్ రోడ్డు ఏర్పాటు చేయాలని ప్రతిపాదించారు.
2024 ఎన్నికల్లో నందమూరి బాలకృష్ణ తన సమీప ప్రత్యర్థిపై 15 శాతం మెజారిటీతో విజయం సాధించి మూడోసారి ఏపీ అసెంబ్లీకి ఎన్నికవుతారని సర్వేలు చెప్తున్నారు. అయితే మొదటి నుంచి టీడీపీకి కంచుకోటగా ఉన్న ఈ స్థానంలో బాలయ్య బాబు విజయం నల్లేరుపై నడకే నని రాజకీయ నాయకులు విశ్లేషిస్తున్నారు.