Balayya Babu : లేటు వయసులో దూసుకుపోతున్న బాలయ్య బాబు..  సరికొత్త మూవీస్ తో ముందుకు ఇక ఫ్యాన్స్ కు పండగే

Balayya Babu

Balayya Babu : బాలయ్య వయసు మీద పడుతున్నా.. మరింత ఉత్సాహంతో సినిమాలు చేస్తున్నారు. అఖండ తో భారీ హిట్ అందుకున్న నటసింహం బాలకృష్ణ భగవంత్ కేసరి, వీర సింహా రెడ్డి లాంటి మూవీస్ తో అదరగొట్టారు. దీంతో పాటు మరిన్ని సినిమాలకు ఓకే చెప్పాడు.

ప్రజెంట్ బాలయ్య బాబు కేఎస్ రవీంద్ర అలియాస్ బాబీతో ఓ మూవీ చేస్తున్నారు. ఈ సినిమా 1980 నాటి బ్యాక్ గ్రౌండ్ కంటెంట్ తో వస్తుందని అప్పటి కథాంశం మీద తీస్తున్న మూవీ కావడంతో అంచనాలు పెరిగిపోయాయి.  డిఫరెంట్ యాక్షన్ అండ్ ఎమోషనల్ డ్రామాగా ఈ సినిమా ఉండబోతుందని టాక్.

ఈ మూవీకి ఇంకా పేరు బయటకు రిలీజ్ చేయకున్నా..  రెగ్యూలర్ షూటింగ్‌ను చాలా రోజుల కిందటే  మొదలు పెట్టారు. అప్పటి నుంచి వరుసగా షూటింగ్ చేస్తూనే ఉన్నారు. మిగిలిన భాగాన్ని కూడా తొందరగా పూర్తి చేయాలని డైరెక్టర్, నిర్మాతలు భావిస్తున్నారు. చాలా వరకు షూటింగ్ పూర్తయిన కూడా ఇప్పటికీ ఈ సినిమా నుంచి టీజర్ బయటకు రాలేదు. చిన్న అప్ డేట్ కూడా రిలీజ్ కాలేదు. దీంతో నిర్మాత నాగవంశీ బాలకృష్ణ పుట్టినరోజు జూన్ 10న సినిమా టీజర్ ను విడుదల చేయబోతున్నామని ప్రకటించారు. ఈ టీజర్ ఊర మాస్ ఉంటుందని బాలయ్య బాబు అంచనాలను అందుకునేలా చేశామని చెప్పారు.

నందమూరి బాలకృష్ణ హీరోగా బాబీ దర్శకత్వంలో వస్తున్న ఈ మూవీని సితారా ఎంటర్‌టైన్‌మెంట్స్, ఫార్చన్ ఫోర్ సినిమాస్, శ్రీకర స్టూడియోస్ బ్యానర్లపై నిర్మిస్తున్నారు. సాయి సౌజన్య, నాగ వంశీ నిర్మాతలుగా వ్యవహరిస్తున్నారు. ఈ మూవీలో స్టార్ నటీనటులు యాక్ట్ చేస్తున్నారు. బాబీ డియోల్, ఊర్వశీ, సౌత్ ఇండియా సూపర్ స్టార్ దుల్కర్ సల్మాన్, చాందినీ చౌదరి తో పాటు మరికొంత మంది సెలబ్రెటీలు ఈ మూవీలో ఉన్నట్లు తెలుస్తోంది. ఈ చిత్రానికి ఎస్ఎస్ థమన్ బాణీలు సమకూరుస్తున్నారు. బాలకృష్ణ చేస్తున్న ఈ మూవీ కోసం ఆయన ఫ్యాన్స్ వెయిట్ చేస్తున్నారు.