Daku Maharaj : బాలయ్య మరో మాస్ అవతార్… డాకు మహరాజ్.. దుమ్ము లేపిన నందమూరి నటసింహం
Daku Maharaj
Daku Maharaj : నందమూరి నటసింహం బాలకృష్ణ మరోమూవీతో ఈ సంక్రాంతికి ప్రేక్షకుల ముందుకు రాబోతున్నాడు. కార్తీక పౌర్ణమి సందర్భంగా కొత్త సినిమా టీజర్ విడుదల చేయగా, యూ ట్యూబ్ షేక్ అవుతున్నది. బాబీ కొల్లి దర్శకత్వంలో ఓ భారీ అడ్వెంచర్, మాస్ సినిమా తెరకెక్కుతోన్న విషయం తెలిసిందే. సితార ఎంటర్‌టైన్‌మెంట్స్‌ పతాకంపై ప్రొడ్యూసర్ నాగవంశీ ఈ చిత్రాన్ని నిర్మిస్తున్నారు. బాలకృష్ణ కెరీర్ లో109వ సినిమా ఇది.
ఈ కొత్త సినిమా టైటిల్‌ను చిత్రబృందం వెల్లడించింది. ‘డాకు మహారాజ్‌’ టైటిల్ ఖరారరైంది. ఈ సినిమా టీజర్ మేకర్స్ విడుదల చేశారు. ఈ టీజర్ ఇంట్రో చాలా ఆసక్తికరం సాగింది. ‘‘ఈ కథ వెలుగుని పంచే దేవుళ్లది కాదు…. చీకటిని శాసించే రాక్షసులదీ కాదు…… ఆ రాక్షసులను ఆడించే రావణుడిదీ కాదు……… ఈ కథ రాజ్యం లేకుండా యుద్ధం చేసిన ఒక రాజుది…….. గండ్ర గొడ్డలి పట్టిన యమధర్మరాజు ది…… మరణాన్నే వణికించిన మహారాజుది’’ అనే అంటూ గంభీరమైన గొంతుతో వాయిస్ ఓవర్‌ తో టీజర్ మొదలైంది. ‘‘పెహచానా ముజే.. డాకు.. డాకూ మహారాజ్‌’’ అంటూ బాలయ్య చెప్పే డైలాగ్స్‌, విజువల్స్‌ ఫ్యాన్స్ కు పూనకాలు తెప్పిస్తున్నాయి. సంక్రాంతి కానుకగా జనవరి 12న ఈ సినిమా రిలీజ్ చేస్తున్నట్లు టీజర్ చివరిలో వెల్లడించారు.
హ్యాట్రిక్ హిట్ల తర్వాత బాలకృష్ణ నటిస్తున్న చిత్రం డాకు మహరాజ్. పూర్తిస్థాయి యాక్షన్, ఫ్యామిలీ ఎంటర్‌టైనర్‌గా ఈ చిత్రాన్ని రూపొందిస్తున్నారు. బాలయ్య క్లాసీ లుక్‌లో కనిపించనున్నారంటూ ఫిలిం ఇండస్ట్రీలో టాక్ వినిపిస్తుంది. దీనిలో రాజకీయ నేపథ్యాన్ని మేళవించారని తెలుస్తున్ని.
మూడు కాలాల్లోజరిగే ఇతివృత్తంతో బాలయ్య మూడు కోణాల్లో కనిపిస్తారని టాక్ వినిపిస్తన్నది. బాలయ్య సరసన ప్రగ్యాజైస్వాల్‌, చాందినీచౌదరీ, శ్రద్ధాశ్రీనాథ్‌ హీరోయిన్లుగా నటిస్తున్నారు. బాలీవుడ్‌కు స్టార బాబీడియోల్ మరోసారి పవర్ ఫుల్ విలన్ రోల్ లో కనిపించబోతున్నారు. ఓ మలయాళ స్టార్ హీరో కూడా ఇందులో నటిస్తున్నారనే టాక్ వినిపిస్తున్నది.