Balakrishna
Balakrishna : ఇటు సినిమాలతో పాటు అటు రాజకీయాల్లోనూ సమాన భూమిక పోషిస్తున్నారు నందమూరి, నటసింహం బాలకృష్ణ. హిందూపూర్ నియోజకవర్గ ఎమ్మెల్యేగా ప్రజలకు మంచి పాలన అందిస్తున్నారు ఆయన. సినిమా షూటింగ్ షెడ్యూల్ లో గ్యాప్ వచ్చినప్పుడల్లా, ఆపతి, సంపతి, విపత్తుల్లో నియోజకవర్గానికి వెళ్లి అక్కడి ప్రజల బాగోగులు చూసుకుంటున్నారు. ఇంత బిజీగా ఉన్నా కూడా ఇప్పటి వరకు ఆయనకు అక్కడ వ్యతిరేకత మాత్రం ఏర్పడలేదు.
ప్రస్తుతం నందమూరి బాలకృష్ణ దర్శకుడు బాబీతో కలిసి తర్వాతి ప్రాజెక్ట్ #NBK109లో నటిస్తున్నాడు. ఈ చిత్రం ఇటీవలే తాజా షెడ్యూల్ ను పూర్తి చేసుకుంది. మరి బాలయ్య మళ్లీ షూటింగ్ లో పాల్గొంటారా? లేక విరామం తీసుకుంటారా? అనేది ఇప్పుడు ప్రశ్నగా మారింది.
హిందూపురం ఎమ్మెల్యేగా నందమూరి బాలకృష్ణ రాజకీయ కమిట్మెంట్స్ కూడా ముఖ్యమైనవి. తెలుగుదేశం పార్టీ అధినేత నారా చంద్రబాబు నాయుడు ఇటీవల ప్రకటించిన అభ్యర్థుల జాబితాలో ఇదే నియోజకవర్గానికి బాలకృష్ణ అభ్యర్థిత్వాన్ని ప్రకటించారు. ఈసారి హ్యాట్రిక్ విజయం లక్ష్యంగా బరిలోకి దిగిన బాలకృష్ణ ప్రచారం.. ఇతర నియోజకవర్గ సంబంధిత కార్యక్రమాల్లో నిమగ్నమయ్యారు.
రాష్ట్ర వ్యాప్తంగా ఇతర అభ్యర్థులకు కూడా మద్దతు ఇవ్వాల్సి రావచ్చు. చిత్రీకరణకు నెల రోజుల పాటు సెలవు తీసుకోవాలన్నది ఆయన ప్లాన్ అయినప్పటికీ చంద్రబాబు నుంచి కన్ఫర్మేషన్ కోసం ఎదురు చూస్తున్నారు. దర్శకుడు బాబీ చాలావరకు ప్రిన్సిపల్ ఫొటోగ్రఫీని పూర్తి చేసినప్పటికీ, హీరోయిన్ కోసం కాస్టింగ్ ఇంకా ఖరారు కాలేదు. బాలకృష్ణ ప్రచారంకు వెళ్తే.. నిర్మాతకూ కూడా పెద్దగా ఇబ్బంది ఉండకుండా చూసుకుంటున్నారు బాలయ్య బాబు. డైరెక్టర్ బాబీ కూడా బాలకృష్ణ లేని షాట్లను ఫస్ట్ చిత్రీకరించి మిగిలిన పోర్షన్ తర్వాత చిత్రీకరిస్తారని తెలుస్తోంది.