Balakrishna
Balakrishna : నందమూరి బాలకృష్ణ అయిదు దశాబ్దాల సినిమా జీవిత ఉత్సవాల నిర్వహణకు ఏర్పాట్లు జరుగుతున్నాయి. ఈ ఏడాది నటుడిగా యాభై ఏళ్లు పూర్తి చేసుకుంటున్నారు. ‘తాతమ్మ కల’ సినిమాతో ఆయన కెరీర్ ప్రారంభమైంది. ఈ సినిమా విడుదలై ఆగస్టు 30కి యాభై ఏళ్లు పూర్తవుతున్న సందర్భంగా సెప్టెంబరు 1న తెలుగు చలనచిత్ర పరిశ్రమ ఆయనకు ఘన సన్మానం చేయబోతోంది.
హైదరాబాద్ కూకట్ పల్లిలోని ఖైతలాపూర్ గ్రౌండ్స్ లో ఈ ఉత్సవాన్ని సెప్టెంబరు 1న నిర్వహించనున్నారు. ప్రముఖ శ్రేయాస్ మీడియా నిర్వహించనున్న ఈ కార్యక్రమానికి భారతీయ సినిమా, ఇతర రంగాలకు చెందిన ప్రముఖులు కూడా ఈ కార్యక్రమంలో పాల్గొననున్నారు. తెలుగు, తమిళ, కన్నడ, మలయాళ స్టార్ హీరోలతో పాటు బాలీవుడ్ అగ్ర హీరోలు కూడా హాజరుకానున్నారు.
ఈ నేపథ్యంలో తెలుగు ఫిలిం ప్రొడ్యూసర్ కౌన్సిల్ ప్రెసిడెంట్ కె.ఎల్.దామోదర ప్రసాద్, తెలంగాణ ఫిలిం ఛాంబర్ ప్రెసిడెంట్ సునీల్ నారంగ్, తెలుగు ఫిలిం ఛాంబర్ ట్రెజరర్ టి.ప్రసన్నకుమార్, ఎంప్లాయీస్ ఫెడరేషన్ ప్రెసిడెంట్ వల్లభనేని అనిల్ ఇటీవల బాలకృష్ణను కలిసి శుభాకాంక్షలు తెలియజేశారు.