Devara : ఇంగ్లీష్ లిరిక్స్ తో అదిరిపోయిన ‘దేవర’ గ్లిమ్స్ వీడియో బ్యాక్ గ్రౌండ్ మ్యూజిక్!

Jr NTR Devara Glimpses

Devara : ఎన్టీఆర్ అభిమానులు తమ అభిమాన హీరో నుండి సోలో సినిమాని చూసి దాదాపుగా ఆరేళ్ళు అయ్యింది. ‘అరవింద సమేత’ చిత్రం తర్వాత మళ్ళీ ఆయన నుండి సోలో హీరో గా ఒక్క సినిమా కూడా రాలేదు. కేవలం #RRR చిత్రం కోసం ఐదేళ్ల విలువైన సమయం వృధా అయ్యిందని అభిమానుల బాధ. ఆ సినిమా పూర్తి అయిన తర్వాత ఎన్టీఆర్ ‘దేవర’ చిత్రాన్ని పట్టాలు ఎక్కించడానికి దాదాపుగా ఏడాది సమయం తీసుకున్నాడు.

మొత్తానికి షూటింగ్ మొదలై , దాదాపుగా 70 శాతం పూర్తి చేసుకొని నేడు గ్లిమ్స్ ద్వారా మన ముందుకి రాబోతున్నాడు ఎన్టీఆర్. మొన్ననే ఈ గ్లిమ్స్ కి సంబంధించిన పోస్టర్ ఒకటి విడుదల చేసారు. దీనికి ఫ్యాన్స్ మరియు ఆడియన్స్ నుండి మంచి రెస్పాన్స్ వచ్చింది. ఎన్టీఆర్ తో కొరటాల శివ ‘గేమ్ ఆఫ్ థ్రోన్స్’ రేంజ్ సినిమా తీస్తున్నాడని అందరికీ అర్థం అయ్యింది. మొన్న ఈ గ్లిమ్స్ కి సంబంధించిన ఒక చిన్న షాట్ ని మూవీ టీం అప్లోడ్ చేసింది.

ఈ షాట్ లో ఎన్టీఆర్ రక్తం తో నిండిన ఆయుధాలను సముద్రంలో కడుగుతూ ఉంటాడు. దీనిని చూసిన అభిమానులు ఒక్కసారి సింహాద్రి రోజులకు వెళ్లిపోయారు. ఆరోజుల్లో ఎన్టీఆర్ ని సింహాద్రి గా రాజమౌళి ఎంత మాస్ గా చూపించాడో, కొరటాల శివ అంతకు మించిన మాస్ గా చూపించాడని, ఈ చిన్న షాట్ ని చూసి అంటున్నారు. ఇక ఈరోజు సాయంత్రం 4 గంటలకు విడుదల అవ్వబొయ్యే పూర్తి గ్లిమ్స్ వీడియో ని చూస్తే అభిమానులు ఏమైపోతారో అని మూవీ టీం కి సంబంధించిన కొంతమంది అంటున్నారు. ఈ గ్లిమ్స్ విశేషం మాకు తెలిసినవి కొన్ని విడుదలకు ముందే మీకు అందించేస్తున్నాం చూడండి. గ్లిమ్స్ వీడియో కి సంగీత దర్శకుడు అనిరుద్ అదిరిపోయే రేంజ్ బ్యాక్ గ్రౌండ్ మ్యూజిక్ ఇచ్చాడట. ఈ బ్యాక్ గ్రౌండ్ మ్యూజిక్ ఇంగ్లీష్ లిరిక్స్ తో ఉంటుందని సమాచారం.

ఇక ఎన్టీఆర్ చెప్పే డైలాగ్ కూడా అదిరిపోతుందట. గ్లిమ్స్ మొత్తం నిమిషం నిడివికి పైనే ఉంటుందని, ఎన్టీఆర్ ఈ గ్లిమ్స్ లో రెండు వేరియేషన్స్ లో కనిపిస్తాడని టాక్. సందేశాత్మక చిత్రాలను మాత్రమే ఇన్ని రోజులు చేస్తూ వచ్చిన కొరటాల సేవలో ఇంత మాస్ దాగి ఉందా అని అందరూ ఆశ్చర్యపోయే రేంజ్ లో గ్లిమ్స్ వీడియో ఉంటుందట. చూడాలి మరి లీక్ అయిన సమాచారం రేంజ్ లో గ్లిమ్స్ నిజంగా ఉందా లేదా అనేది.