Ayaan Swag : తండ్రిని ఇమిటేట్ చేసిన అయాన్.. పుష్ప స్టయిల్ వాక్.. రీల్ వైరల్
Ayaan Swag
Allu Arjun Son Ayaan Swag : ఐకాన్ స్టార్ అల్లు అర్జున్ కెరీర్ లో పుష్ప బిగ్గెస్ట్ హిట్. పుష్పను అల్లు అర్జున్ ను వేరు చేసి చూడడం సాధ్యం కాదు. ఈ సినిమాతోనే జాతీయ స్థాయిలో ఉత్తమ నటుడిగా గుర్తింపు వచ్చింది. ఇది ఎంతటి ఘన విజయం సాధించి పెట్టిందంటే.. గత 70 ఏళ్ల సినీ చరిత్రలో ఇప్పటి వరకు దక్షిణాదికి దక్కని గౌరవాన్ని ఈ మూవీ తెచ్చిపెట్టింది.
ఇక అంతర్జాతీయంగా ఆయన మ్యాజిక్ ఈ సినిమా నుంచి బయటపడింది. అంతర్జాతీయ ఫిలిం ఫెస్టివల్ కు ఆయనకు గౌరవ ఆహ్వానం లభించింది. ఇంకా దుబాయ్ లోని టుస్సాడ్స్ మ్యూజియ్ లో అల్లు అర్జున్ మైనపు విగ్రహం పెట్టారు. ఈ ఘటన అందుకున్న టాలీవుడ్ హీరోల్లో అల్లు అర్జున్ రెండో వాడు.
పుష్ప ఇంత సక్సెస్ అయిన నేపథ్యంలో పుష్ప 2 కోసం ఆడియన్స్ మరింత ఆత్రుతగా ఎదురు చూస్తున్నారు. పుష్పలో ఆయనడి డీ గ్లామర్ రోల్. తల్లి వివాహేతర సంబంధానికి పుట్టిన కొడుకుగా సమాజంలో అవమానాలను ఎదుర్కొన్న వ్యక్తిగా కనిపించాడు. ఆ ఆక్రోశమే ఆయనను స్మగ్లింగ్ వరకు తీసుకెళ్లింది. పుష్ప మేనరిజం గురించి ప్రత్యేకంగా చెప్పాల్సిన అవసరం లేదు. ఫిలిం స్టార్స్ నుంచి టాప్ మోస్ట్ పొలిటికల్, బిజినెస్ సెలబ్రెటీలు కూడా సందర్భోచితంగా ఈ మేనరిజం ఇమిటేట్ చేస్తారు. ఒక భుజం పైకి లేపి ఛాతి ముందుకు తెచ్చి కనిపిస్తాడు.
కాగా అల్లు అర్జున్ కొడుకు అయాన్ పుష్ప మేనరిజంను ఇమిటేట్ చేశాడు. పుష్పలో అల్లు అర్జున్ లాగా నడిచాడు. ఈ వీడియో ఇన్ స్టాలో పోస్ట్ చేయగా ఇప్పుడు అది వైరల్ గా మారింది. తన తండ్రిని చాలా చక్కగా అనుకరించారు అయాన్. దీంతో ఫ్యాన్స్ ఫిదా అవుతున్నారు. జూనియర్ పుష్ప అంటూ కామెంట్లు పెడుతున్నారు.
అల్లు అర్జున్ – స్నేహారెడ్డికి ఇద్దరు సంతానం వారిలో కొడుకు అయాన్, కూతురు అర్హ. ఇద్దరూ చిచ్చర పిడుగులేనట. అల్లు అర్జున్ షూటింగ్ లేకుండా ఇంట్లో ఖాళీగా ఉంటే పిల్లలతో ఆడుకుంటాడు. సరదాగా గడుపుతాడు. అల్లు అర్హ సమంత హీరోయిన్ గా చేసిన పౌరాణిక చిత్రం శాకుంతలంలో భరతుడి పాత్ర చేసింది.
View this post on Instagram