Dogs Attack
Dogs Attack : హైదరాబాద్ GHMC పరిధిలో దారుణం జరిగింది. ఓ బాలికపై మూడు కుక్కలు దాడి చేసి తీవ్రంగా గాయపరిచాయి. కుక్కలు బాలికపై దాడి చేసిన వీడియో సోషల్ మీడియాలో ప్రస్తుతం వైరలవుతోంది. వీడియోలో ఓ బాలికపై మూడు కుక్కలు విచక్షణారహితంగా దాడికి పాల్పడగా ఆ బాలిక హృదయ విదారకంగా కేకలు వేస్తోంది. కొంతసేపటి తర్వాత చుట్టుపక్కల వారు గమనించి పరుగెత్తుకుంటూ రావడంతో కుక్కలు పారిపోయాయి.
జీహెచ్ఎంసీ అధికారుల నిర్లక్ష్యంతో హైదరాబాద్ ప్రజలు కుక్కల దాడులతో గాయాలపాలవుతున్నారు. కొన్ని సందర్భాల్లో ప్రాణాలు కూడా కోల్పోతున్నారు. అయినా కూడా అధికారులు పట్టించుకోవడం లేదు. హైదరాబాద్ లో వీధి కుక్కల దాడులు పెరిగిపోయాయి. రాష్ట్రంలో కూడా కుక్కల దాడులు పెరిగాయి. ప్రస్తుతం బాలికపై మూడు కుక్కల దాడి వీడియో పై పెద్ద ఎత్తున చర్చ జరుగుతోంది. పిల్లలను ఒంటరిగా పంపించ వద్దని, కుక్కల విషయంలో జాగ్రత్తగా ఉండాలని పలువురు కోరుతున్నారు.
