Trump : ఎన్నికల వేళ.. ట్రంప్ ఆసక్తికర వ్యాఖ్యలు

Trump comments : అమెరికా అధ్యక్ష ఎన్నికల వేళ తీవ్ర ఉత్కంఠత నెలకొంది. మరికొన్ని గంటల్లో అమెరికా తదుపరి అధ్యక్షుడు ఎవరో ఓటర్లు డిసైడ్ చేయనున్నారు. ముందస్తు సర్వేల్లో కొన్ని రాష్ట్రాల్లో డొనాల్డ్ ట్రంప్ మరికొన్ని చోట్ల కమలా హారిస్ స్వల్ప ఆధిక్యాన్ని కనపరుస్తున్నా.. విజయం ఎవరిదో చెప్పలేని పరిస్థితి. ఈ సమయంలో ట్రంప్ ఆసక్తికర వ్యాఖ్యలు చేశారు.

మీరు ఏ రకంగానైనా ఓడిపోయే అవకాశముందా..? అని ఓ మీడియా ప్రతినిధి ట్రంప్ ను ప్రశ్నించారు. ‘‘అవును అలా జరగొచ్చని అనుకుంటున్నాను. కొన్నిసార్లు చెడ జరగొచ్చు. అలా జరుగుతూ ఉంటుంది. కానీ అది ఆసక్తికరంగా ఉంటుంది’’ అని తనదైన శైలిలో ట్రంప్ బదులిచ్చారు. కొన్ని సర్వేల్లో తాను ఆధిక్యంలో ఉన్న విషయాన్ని ప్రస్తావించారు. ఎన్నికలకు కొన్ని గంటల ముందు కీలకమైన స్వింగ్ స్టేట్స్ లో రిపబ్లికన్ పార్టీ అభ్యర్థి డొనాల్డ్ ట్రంప్ పుంజుకున్నట్లు సర్వేలు వెల్లడిస్తున్నాయి.