KTR bombs : దీపావళి వేళ.. మార్కెట్లో కేటీఆర్ బాంబులు

KTR bombs

KTR bombs : దీపావళ పండుగ సందర్భంగా దీపాలతో ఇళ్లను అలంకరిస్తారు. ఈ పండుగను హిందువులతో పాటు జైనులు, బౌద్ధులు, సిక్కులు, ఇతర మతస్తులు ఆరోగ్యం, సంతోషాన్ని కోరుకుంటూ దీపావళి సెలబ్రేట్ చేస్తారు. ముఖ్యంగా చిన్నా పెద్ద తేడా లేకుండా అందరూ టపాసులు కాలుస్తుంటారు. అయితే, మార్కెట్ లోకి కొత్తకొత్త టపాసుల బ్రాండ్స్ వస్తున్నాయి. సినిమా స్టార్స్, దేవుళ్ల ఫొటోలతో మార్కెట్ లోకి కొన్ని టపాసులు రావడం మామూలే. ఈ క్రమంలోనే తాజాగా కేటీఆర్ ఫొటో ఉన్న టపాసుల ప్యాకెట్ సోషల్ మీడియాలో వైరలవుతోంది.

బీఆర్ఎస్ వర్కింగ్ ప్రెసిడెంట్ కేటీఆర్ ఫొటోతో ఉన్న టపాసుల ప్యాకెట్ నెట్టింట చక్కర్లు కొడుతోంది. బీఆర్ఎస్ శ్రేణులు ఆ ఫొటోను షేర్ చేస్తున్నాయి. అయితే ఇటీవల మంత్రి పొంగులేటి శ్రీనివాస్ రెడ్డి రెండు మూడు రోజుల్లో పొలిటికల్ బాంబులు పేలుతాయని అన్నారు. ఈ వ్యాఖ్యలను ఉద్దేశించి ‘మా శివకాశీ పటాకా (కేటీఆర్) దెబ్బ చూస్తే అబ్బా అంటావ్..’ అని బీఆర్ఎస్ శ్రేణులు విమర్శిస్తున్నాయి.