Ashika Ranganath : టాలీవుడ్ పెద్దన్న మెగాస్టార్ తో స్క్రీన్ షేర్ చేసుకోనున్న ఆషికా రంగనాథ్.. 

Ashika Ranganath

Ashika Ranganath : విశ్వంభరలో ఆషికా రంగనాథ్ ఒక లీడ్ రోల్ లో కనిపిస్తున్నట్లు తెలుస్తోంది. రష్మిక, శ్రీలీల వంటి కన్నడ నటీమణుల అడుగుజాడల్లో నడుస్తూ క్రమంగా కన్నడ సినిమాలతో పాటు వివిధ భాషా చిత్రల్లో తనదైన ముద్ర వేస్తోంది అషికా. అమిగోస్ చిత్రంతో తెలుగు తెరకు పరిచయమైన ఆమె వెర్సటైల్, సీనియర్ తెలుగు నటుడు నాగార్జునతో కలిసి ‘నా సామి రంగా’లో నటించింది. ఇప్పుడు మల్లిడి వశిష్ట దర్శకత్వం వహించిన ‘విశ్వంభర’లో మరో కీలక పాత్రలో నటించడంతో తెలుగు సినిమాల్లో ఆమె పరిధి మరింత పెరిగినట్లు తెలుస్తోంది. ఈ సారి ఆమె టాలీవుడ్ పెద్దన్న, మెగాస్టార్ చిరంజీవితో స్క్రీన్ షేర్ చేసుకోబోతోంది.

విశ్వంభరలో త్రిష కృష్ణన్, మీనాక్షి చౌదరి, కునాల్ కపూర్ లాంటి స్టార్ క్రూ కనిపిస్తుంది. వీరితో పాటు ఆషికా రంగనాథ్ కూడా కీలక పాత్రలో కనిపిస్తోంది. తన పాత్రకు సంబంధించి వివరాలు ఇంకా గోప్యంగా ఉండగా, యూవీ క్రియేషన్స్ నిర్మిస్తున్న ఈ సోషియో ఫాంటసీ డ్రామా కోసం ఆషికా ఇప్పటికే కొన్ని కీలక సన్నివేశాలను చిత్రీకరించింది. మరిన్ని వివరాల కోసం ఎదురుచూస్తుండగా, విశ్వంబర 2025లో విడుదలకు సిద్ధమైన సంగతి తెలిసిందే.

ఇదిలా ఉంటే, 2022లో పట్టతు అరసన్ చిత్రంతో తమిళ చిత్రరంగ ప్రవేశం చేసిన ఆషికా ఇప్పుడు సిద్ధార్థ్ తో కలిసి నటించే తన రెండో తమిళ ప్రాజెక్ట్ విడుదల కోసం ఎదురు చూస్తోంది. కన్నడలో ఇటీవల మెడికల్ థ్రిల్లర్ ‘O2’లో కనిపించింది. ఆషికా ఆ సినిమాలో డాక్టర్ శ్రద్ధ అనే పాత్రను పోషించి ప్రశంసలు అందుకుంది. ప్రస్తుతం ఆమె సుని దర్శకత్వంలో తెరకెక్కుతున్న ‘గాథవైభవ’ చిత్రంలో నటిస్తోంది.