Arunachaleswara Swamy
Arunachaleswara Swamy : తిరువణ్నామలైలోని అరుణాచలేశ్వరస్వామి ఆలయ మహారథం ట్రయల్ రన్ శుక్రవారం నిర్వహించారు. ఆలయంలో కార్తిక మహాదీపోత్సవాలు డిసెంబరులో జరగనున్నాయి. వేడుకల్లో భాగంగా రథోత్సవం 10న నిర్వహిస్తారు. అరుణాచలేశ్వరస్వామి, ఉన్నాములై అమ్మవారిని ఊరేగించే మహారథాన్ని రూ.70 లక్షలతో మరమ్మతు చేశారు. ఈ మహారథం ట్రయల్ రన్ శుక్రవారం ఉదయం 8.14కు ప్రారంభమైంది. శాసనసభ డిప్యూటీ స్పీకర్ కె.పిచ్చాండి, కలెక్టర్ భాస్కర పాండియన్, ఎస్పీ సుధాకర్ తదితరులు పాల్గొన్నారు. వేలాది మంది భక్తులు పాల్గొని రథాన్ని లాగారు. అన్నామలైకి హరోంహర, ఉన్నములై అమ్మవారికి హరోంహర నామస్మరణ ఆ ప్రాంతమంతా మార్మోగింది. రెండు వేల మంది పోలీసులను రక్షణకు ఏర్పాటు చేశారు. రథం ఎదుట కళాకారిణులు భరత నాట్యం చేస్తూ పాల్గొన్నారు.