Army truck : శ్రీనగర్ లో ఆర్మీ ట్రక్ లోయలో పడి జవాన్ మృతి

Army truck : జమ్మూకశ్మీర్ లోని కుల్గామ్ జిల్లాలో విషాదం చోటుచేసుకుంది. ఇండియన్ ఆర్మీ ప్రయాణిస్తున్న ట్రక్ అదుపుతప్పి లోయలో పడింది. ఆ ప్రమాదంలో ఓ సైనికుడు మృతి చెందగా తొమ్మిది మంది జవాన్లు గాయపడ్డారు. శ్రీనగర్ కు చెందిన ఆర్టీ బేస్ క్యాంప్ వాహనం శుక్రవారం రాత్రి 15 మందితో కుల్గామ్ లోని డీహెచ్ పోరా ప్రాంతానికి వెళ్తున్నారు. శుక్రవారం రాత్రి ఈ యాక్సిడెంట్ జరగగా.. శనివారం ఆర్మీ అధికారులు వివరాలు తెలిపారు. గాయపడిన వారిని చికిత్స కోసం హాస్పిటల్లో చేర్పించినట్లు వారి ఆరోగ్య పరిస్థితి నిలకడగా ఉన్నట్లు అధికారులు తెలిపారు.