Devara trailer
Devara trailer : టాలీవుడ్ లో మాస్ హీరోగా తనకంటూ ప్రత్యేక గుర్తింపు తెచ్చుకున్నాడు ఎన్టీఆర్. ఇక ఆర్ఆర్ఆర్ సినిమాతో దేశ వ్యాప్తంగా మరింత గుర్తింపు తెచ్చుకున్నాడు. సినిమా ప్రమోషన్లు, ఈవెంట్లలో స్థానిక భాషల్లో మాట్లాడి ప్రాంతీయ భేదం లేకుండా అన్ని వర్గాల ప్రేక్షకులకు దగ్గరయ్యాడు ఎన్టీఆర్. నందమూరి నట వారసుడిగా టాలీవుడ్ లోకి ఎంట్రీ ఇచ్చిన ఈ యంగ్ టైగర్ నటుడిగా, స్టార్ గా ప్రతి సినిమాతో మరో మెట్టు పైకెక్కుతున్నాడు. ఇండస్ర్టీ రికార్డులు బద్దలయ్యే హిట్లు కొట్టాడు. సరికొత్త స్టార్ గా అవతరించాడు. పాతికేళ్ల వయసులోపే తను చూడని హిట్టు లేదు.. బ్రేక్ చేయని రికార్డు లేదు.
డైలాగ్ డెలివరీతో పాటు లెంగ్తీ డైలాగులు కూడా సింగిల్ టేక్ లో చెప్పగలగడం ఎన్టీఆర్ ప్రత్యేకత. తన తరంలో అంత పెద్ద డైలాగులు కంఠస్త చెప్పగలడు ఎన్టీఆర్. కెరీర్ కొత్తలో తన పర్సనాలిటీ విషయంలో చాలా విమర్శలు ఎదుర్కొ్న్నాడు. వెయిట్ పెరిగిన డ్యాన్సులు మాత్రం ఇరగదీశాడు. ఇక ఒక్కసారిగా బరువు తగ్గి సన్నగా మారి అందరినీ ఆశ్చర్య పరిచాడు. ఎన్టీఆర్ మేకోవర్ చూసి అభిమానులతో పాటు ఇండస్ర్టీలోని వారంతా ఒక్కసారిగా షాకయ్యారు.
ప్రస్తుతం కొరటాల శివ దర్శకత్వంలో దేవర సినిమా తెరకెక్కిన విషయం తెలిసిందే. షూటింగ్ కంప్లీట్ చేసుకున్న ఈ సినిమా సెప్టెంబర్ 27న ప్రేక్షకుల ముందుకు రాబోతున్నది. ఇప్పటికే రిలీజైన పాటలు దుమ్ము లేపుతున్నాయి. సెప్టెంబర్ 10 న సాయంత్రం 5 గంటలకు ట్రైలర్ రిలీజ్ చేయబోతున్నారు. అయితే ట్రైలర్ ఓ ఆసక్తికరమైన సస్పెన్స్ ను రివీల్ చేయబోతున్నారని సమాచారం. ఇందుకోసం డైరెక్టర్ శివ ప్రత్యేకంగా ట్రైలర్ కట్ చేయించాడట. ఇందులో ఎన్టీఆర్ డ్యుయెల్ రోల్ చేస్తున్న విషయం తెలిసిందే. ఆ రెండు క్యారెక్టర్లను ట్రైలర్ లో చూపించబోతున్నాడట. దీంతో ఎన్టీఆర్ ఫ్యాన్స్ ఫుల్ ఖుషీ అవుతున్నారు.