PM Modi – Ministers
Ministers : ప్రధానిగా మోదీ ప్రమాణ స్వీకారం చేయనున్నారు. ఆదివారం రాత్రి 7.30 గంటలకు రాష్ట్రపతి భవన్‌లో ఆయన ప్రధానిగా మూడోసారి ప్రమాణం చేస్తారు. అయితే మోదీ తన క్యాబెనెట్‌లో ఎవరెవరికి చోటుకల్పిస్తారనే అంశంపై ఆసక్తి నెలకొన్నది. ఈ నేపథ్యంలో బీజేపీతోపాటు మిత్రపక్షాలకు చెందిన పలువురు ఎంపీలకు ఫోన్‌ కాల్స్‌ వెళ్లాయి. ప్రమాణ స్వీకారం కోసం ఢిల్లీ రావాలంటూ ఆహ్వానాలు అందినట్లు తెలుస్తున్నది.
ఆ జాబితాలో రాజ్‌నాథ్‌ సింగ్‌, నితిన్‌ గడ్కరీ, అమిత్‌ షా, నిర్మలా సితారామన్‌, హర్దీప్‌ సింగ్‌ పూరి, అశ్వినీ వైష్ణవ్‌, శివ్‌రాజ్‌ సింగ్‌ చౌహాన్‌, ప్రహ్లాద్‌ జోషి, జ్యోతిరాదిత్య సింధియా, అర్జురామ్‌ రామ్‌ మెఘ్వాల్‌, చిరాగ్‌ పాశ్వాన్‌, అనుప్రియా పటేల్‌, జీతన్‌ రామ్‌ మాంఝీ, జయంత్‌ చౌదరి, హెచ్‌డీ కుమార స్వామి, బండి సంజయ్‌, కిషన్‌ రెడ్డి, కిరణ్‌ రిజిజు, రావు ఇంద్రజిత్‌, ఏపీ టీడీపీ ఎంపీలు రామ్మోహన్‌ నాయుడు, పెమ్మసాని చంద్రశేఖర్‌, బీజేపీ నుంచి శ్రీనివాస వర్మ ఉన్నారు. వీరంతా మోదీతోపాటు ప్రమాణం చేయనున్నారు. కాగా, కాబోయే మంత్రులకు ఉదయం 11.30 గంటలకు మోదీ తేనీటి విందు ఇవ్వనున్నారు. ఈనేపథ్యంలో బీజేపీ జాతీయ అధ్యక్షుడు జేపీ నడ్డా ప్రధాని నివాసానికి చేరుకున్నారు.