TDP:షాకింగ్‌..చంద్ర‌బాబును చెప్పుతో కొడ‌తాన‌న్న టీడీపీ కార్య‌క‌ర్త
TDP:అర‌కులోయ టీడీపీలో గ్రూపు త‌గాదాలు ప‌రాకాష్ట‌కు చేరుకున్నాయి. నారా లోకేష్ యువ‌గ‌ళం పాద‌యాత్ర విజ‌య‌వంతం కోసం మాజీ మంత్రి న‌క్కా ఆనంద్ బాబు కార్య‌క‌ర్త‌ల స‌మావేశాన్ని నిర్వ‌హించారు. ఈ స‌మావేశంలో భారీ ఎత్తున పాల్గొన్న తెలుగు త‌మ్ముళ్లు రెచ్చిపోయారు. టీడీపీ నేత సివేరి అబ్ర‌హంకు న్యాయం చేయాలంటూ కొంద‌రు గొడ‌వ‌కు దిగి స‌మావేశాన్ని ర‌సాభాస‌గా మార్చారు. పార్ల‌మెంట‌రీ ఇన్‌ఛార్జ్ కిడారి శ్రావ‌ణ్ వారిస్తున్నా ప‌ట్టించుకోలేదు.
త‌మ వ‌ర్గానికి అన్యాయం జ‌రుగుతోంద‌ని, ఈ విష‌యంలో త‌మ‌కు న్యాయం జరగాలంటూ స‌మావేశంలో నినాదాలు చేశారు. త‌మ ఆవేద‌న‌ని పార్టీ అధినేత చంద్ర‌బాబు నాయుడు దృష్టికి తీసుకెళ‌తాన‌ని, ప్ర‌త్యేకంగా ఆయ‌న‌తో మాట్లాడిస్తాన‌ని పార్టీ ఇంఛార్జ్ కిడారి శ్ర‌వ‌ణ్ స‌ర్తిచెప్పే ప్ర‌య‌త్నం చేసినా సివేరి అబ్ర‌హంకు న్యాయం జరగాలంటూ నినాదాలు చేశారు. ఈ క్ర‌మంలోనే ఓ కార్య‌క‌ర్త మాకు న్యాయం జ‌ర‌క్క‌పోతే చంద్ర‌బాబును చెప్పుతో కొడ‌తాన‌ని వివాదాస్ప‌ద వ్యాఖ్య‌లు చేయ‌డం సంచ‌ల‌నంగా మారింది. ప్ర‌స్తుతం దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.