AP Deputy CM Pawan Kalyan : కొండగట్టు అంజన్నను దర్శించుకున్న ఏపీ డిప్యూటీ సీఎం పవన్ కల్యాణ్

AP Deputy CM Pawan Kalyan : ఆంధ్రప్రదేశ్ డిప్యూటీ సీఎం, జనసేన అధినేత పవన్ కల్యాణ్ జగిత్యాల జిల్లా కొండగట్టు ఆంజనేయ స్వామి ఆలయాన్ని దర్శించుకొని ప్రత్యేక పూజలు చేశారు. ఈ సందర్భంగా ఆలయ సిబ్బంది ఆయనకు ఘన స్వాగతం పలికారు. అనంతరం ఆలయంలో ప్రత్యేక పూజలు నిర్వహించారు. పవన్ ను చూసేందుకు పెద్ద ఎత్తున స్థానికులు తరలి రావడంతో ఆలయ పరిసరాలు సందడిగా మారాయి.

ఈరోజు ఉదయం హైదరాబాద్ నుంచి బయలుదేరిన పవన్ కల్యాణ్ కు మార్గమధ్యలో ప్రజలు ఘన స్వాగతం పలికారు. తుర్కపల్లి క్రాస్ రోడ్స్ వద్ద జనసేన నాయకులు ఆయనను గజమాలతో సత్కరించారు. పవన్ కల్యాణ్ రాక నేపథ్యంలో జిల్లా ఎస్పీ అశోక్ కుమార్ బందోబస్తు ఏర్పాట్లను పర్యవేక్షించారు.