CM Chandrababu : ఢిల్లీలో నేడు, రేపు ఏపీ సీఎం చంద్రబాబు బిజీ బిజీ

CM Chandrababu

CM Chandrababu : ఢిల్లీ పర్యటనలో భాగంగా ప్రధాని మోదీ సహా పలువురు కేంద్ర మంత్రులతో సీఎం చంద్రబాబు భేటీ కానున్నారు. ముందుగా సోమవారం సాయంత్రం 4.45 గంటలకు పీఎం మోదీతో ఏపీ సీఎం సమావేశమవుతారు. బుడమేరు వరదల అనంతరం చంద్రబాబు తొలిసారిగా ప్రధానిని కలుస్తున్నారు. వరద సహాయం నిధులు, విశాఖ రైల్వే జోన్ ఏర్పాటు, స్టీల్ అథారిటీ ఆఫ్ ఇండియాలో విశాఖ ఉక్కు విలీనం వంటి పలు కీలక అంశాలను ప్రధానితో చర్చించనున్నట్లు తెలుస్తోంది. 6.15 గంటలకు కేంద్ర రైల్వేశాఖ మంత్రి అశ్వినీ వైష్ణవ్ తో భేటీ కానున్నారు. రాత్రి 8 గంటలకు ఎంపీలకు ఏపీ సీఎం చంద్రబాబు విందు ఇవ్వనున్నారు.

రేపు ఉదయం 11.30 గంటలకు కేంద్ర మంత్రి నితిన్ గడ్కరీ, సాయంత్రం 4.30 గంటలకు కేంద్ర మంత్రి పీయూష్ గోయల్, 5.30 గంటలకు హర్ దీప్ సింగ్ పూరిలతో సీఎం చంద్రబాబు భేటీ కానున్నారు. రేపు రాత్రి 8 గంటలకు కేంద్ర హోంశాఖ మంత్రి అమిత్ షాతో సమావేశమవుతారు. అనంతరం రాత్రి 11.15 గంటలకు కేంద్ర ఆర్థిక శాఖ మంత్రి నిర్మలా సీతారామన్ తో చంద్రబాబు భేటీ అవుతారు.