Anushka Shetty : నగరి నుంచి జనసేన అభ్యర్థిగా అనుష్క? ఇక రోజాకు కష్టమే.. సోషల్ మీడియాలో వీడియో వైరల్

Anushka Shetty

Anushka Shetty : పవన్ కల్యాణ్ అన్నా, జనసేన అన్నా మంత్రి రోజా అంతెత్తున ఎగిరిపడుతుంది అనే విషయం తెలిసిందే. పవన్ ను విమర్శించడానికి అందరికంటే ముందుగానే రోజా రెడీ అయిపోతుంది. పవన్ పై వ్యక్తిగత దూషణలు చేసి జగన్ దృష్టిలో పడాలనుకుంటుంది రోజా. అంతే కాదు పవన్ ను ప్రతీ విషయంలోనూ టార్గెట్ చేసి జనసైనికుల చేతిలో దారుణంగా ట్రోల్ కు గురవుతుంటుంది. రోజా చేసే ఎద్దేవా మాటలను పవన్ పెద్దగా పట్టించుకోరు. మొరిగే కుక్కలు మొరగనీయ్..అన్నట్టుగా తన పని తాను చేసుకుంటుంటారు. అప్పుడప్పుడు మరీ శ్రుతిమించితే మాత్రం పవన్ ఓ రేంజ్ లో ఏసుకుంటారు.

అనేక పరాజయాల తర్వాత రోజా ఎమ్మెల్యేగా గెలిచిందనే విషయం తెలిసిందే. ఆ తర్వాత జగన్ కనుసన్నలో మెలగడంతో మంత్రి పదవి కూడా వచ్చేసింది. ఇక మంత్రి అయినప్పటి నుంచి రోజాకు మరింత గర్వం పెరిగిందని ఆమెను దగ్గరగా చూసిన వారే చెబుతుంటారు. నగరి నియోజకవర్గంలో రోజా అన్నలు చేసే అవినీతి, అక్రమాలు, కమీషన్ల దందాపై సొంత పార్టీ నేతలే బయట పెడుతున్నారు. ఈసారి ఆమెకు టికెట్ ఇవ్వొద్దని కూడా నిరసనలు వ్యక్తం చేస్తున్నారు.

ఈనేపథ్యంలో జనసేనపై ఎగిరిపడే రోజాకు గట్టి స్ట్రోక్ ఇవ్వాలంటే బలమైన అభ్యర్థిని నిలబెట్టాలని పవన్ భావిస్తున్నాడని అంటున్నారు. ఏ సినిమా క్రేజ్ తో అయితే ఆమె ఎమ్మెల్యే అయ్యిందో..అంతకంటే ఎక్కువ క్రేజ్ ఉన్న హీరోయిన్ ను బరిలో దించాలనే యోచనలో ఉన్నాడట. టాలీవుడ్ లో విపరీతమైన క్రేజ్ ఉన్న అనుష్క శెట్టిని రోజాపై నిలబెట్టాలని పవన్ ఆలోచన చేస్తున్నాడని సోషల్ మీడియాలో వీడియోలు వైరల్ అవుతున్నాయి. ఇందులో నిజమెంతుందో కానీ జనసైనికులు మాత్రం అనుష్క ఎంట్రీ ఇవ్వాలనే కోరుకుంటున్నారు. ‘అరుంధతి’ దెబ్బకు రోజాకు బొమ్మ కనపడాలని కామెంట్ చేస్తున్నారు. అయితే అనుష్క పోటీ చేస్తుందా? లేదా? అనే విషయం అధికారికంగా ఎవరూ ప్రకటించలేదు. ఇదొక గాసిప్ లాగా తిరుగుతోందని మాత్రం తెలుస్తోంది. ఈ గాసిప్ నిజమైతే బాగుండు అని కూడా కొందరు కోరుకోవడం విశేషం.