Revanth Reddy:ఈ ఫొటోలో బ్లాక్ ష‌ర్ట్‌, బ్లూ క‌ల‌ర్ ప్యాంట్‌, ట‌క్ చేసి స‌హ‌చ‌రుల‌తో క‌లిసి చిరున‌వ్వులు చిందిస్తున్న‌ది ఎవ‌రో గుర్తు ప‌ట్టారా? ..స‌డ‌న్‌గా చూస్తే గుర్తు ప‌ట్ట‌డం క‌ష్ట‌మే కానీ ఆయనని ద‌గ్గ‌రి నుంచి చూసిన వాళ్ల‌కు, ఆయనని అభిమానించే వాళ్ల‌కు ప‌రీక్షించి చూస్తే క‌చ్చితంగా తెలిసిపోతుంది. తెలంగాణ కాంగ్రెస్‌కు నూత‌న జ‌వ‌స‌త్వాల‌ని అందించి గెలుపు బాట ప‌ట్టించిన నాయ‌కుడాయ‌న. రెబ‌ల్ లీడ‌ర్..ఆయ‌నే టీపీసీసీ ప్రెసిడెంట్ అనుముల రేవంత్ రెడ్డి. టీడీపీ నుంచి కాంగ్రెస్‌లో చేరిన రేవంత్ రెడ్డి సీనియ‌ర్లు స‌హ‌క‌రించ‌క‌పోయినా ప‌రే పార్టీని ఊహించ‌ని విధంగా తెలంగాణ‌లో బ‌లోపేతం చేశారు.
ఇప్పుడు తెలంగాణతో పాటు ఏపీ రాకీయాల్లోనూ హాట్ టాపిక్‌గా నిలిచిన రేవంత్ రెడ్డి మ‌రి కొన్ని గంటల్లో తెలంగాణ ముఖ్య‌మంత్రిగా ప్ర‌మాణ స్వీక‌రాం చేయ‌బోతున్నారు. అధికార భారాస‌కు ఎన్నిక‌ల్లో షాక్ ఇచ్చి గ‌ద్దె దింప‌డంలో కీల‌క పాత్ర పోషించారు. తెలంగాణ‌లో కాంగ్రెస్ అధికారంలోకి రావ‌డం క‌ల్ల అన్న వారికే షాక్ ఇచ్చి ఆరు నెల్లోనే పార్టీని బ‌లోపేతం చేసి అధికారాన్ని హ‌స్త‌గ‌తం చేయ‌డంతో స‌ఫ‌లీకృతుడ‌య్యారు.
మ‌రి కొన్ని గంటల్లో తెలంగాణ ముఖ్య‌మంత్రిగా రాజ్ భ‌వ‌న్‌లో ప్ర‌మాణ స్వీకారం చేయ‌బోతున్నార‌ని వార్త‌లు వినిపిస్తున్న నేప‌థ్యంలో రేవంత్ రెడ్డికి సంబంధించిన ఓ ఫొటో ఒక‌టి నెట్టింట వైర‌ల్ అవుతోంది. అయితే అది రేవంత్ యంగ్ గా ఉన్న నాటి ఫొటో. దాదాపు మూడు ద‌శాబ్దాల క్రితం రేవంత్ రెడ్డి జాగృతి అనే వార ప‌త్రిక‌లో జ‌ర్న‌లిస్టుగా ప‌ని చేశారు. ఆ స‌మ‌యంలో స‌హ‌చ‌రుల‌తో క‌లిసి దిగిన ఫొటో ప్ర‌స్తుతం నెట్టింట వైర‌ల్ అవుతుండ‌టం విశేషం.