Mechanic Rocky : మెకానిక్ రాకీ నుంచి మరో అప్‌డేట్
Mechanic Rocky
Mechanic Rocky : మాస్ కా దాస్ విశ్వక్ సేన్ హిట్టూ ప్లాఫులతో సంబంధ లేకుండా దూసుకుపోతున్నాడు. వరుస సినిమాలతో ఫుల్ ఫామ్ లో ఉన్నాడు. ఒక్కో సినిమాకు ఒక్కో జానర్ ను ఎంచుకుంటూ చకాచకా సినిమాలు రిలీజ్ చేస్తున్నాడు. ఈ ఏడాది ఆరు నెలల గ్యాప్ లోనే రెండు సినిమాలు విడుదలయ్యాయి. గామి, గ్యాంగ్స్ ఆఫ్ గోదావరితో ప్రేక్షకుల ముందుకు వచ్చిన ఈ మాస్ కా దాస్ ఇప్పుడు మరో మూవీతో ముందుకు వచ్చేందుకు సిద్ధమయ్యాడు. ఈ సారి ప్రయోగాల జోలికి వెళ్లకుండా పూర్తిగా కమర్షియల్ మూవీని అందించబోతున్నాడు.
విశ్వక్ సేన్ లేటెస్ట్ మూవీ ‘మెకానిక్ రాకీ’.. ఈ సినిమా ద్వారా రవితేజ ముళ్లపూడి డైరెక్టర్ గా పరిచయం అమవుతున్నాడు. ఎస్ఆర్ టీ ఎంటర్‌టైన్‌మెంట్స్ బ్యానర్ పై రామ్ తాళ్లూరి మూవీని నిర్మిస్తున్నారు. ఇటీవల ఈ సినిమా నుంచి ఫస్ట్ లుక్ రిలీజ్ చేయగా అదిరిపోయే రెస్పాన్స్ వచ్చింది. పోస్టర్‌లో విశ్వక్‌సేన్‌ ఒక చేతిలో గన్‌, మరో చేతిలో మెకానిక్ రెంచ్‌ పట్టుకొని మాస్ లుక్ లో కనిపించి అదరగొట్టేశాడు. హీరోగా తనను కొత్త పంథాలో ఆవిష్కరించే మాస్ యాక్షన్‌ చిత్రం అవుతుందని విశ్వక్ సేన్ చెబుతున్నాడు. దీపావళి సందర్భంగా అక్టోబర్‌ 31న ఈ సినిమాను విడుదల చేసేందుకు మేకర్స్‌ అన్ని ఏర్పాట్లు చేస్తున్నారు.
ఈ యంగ్ హీరో సినిమా నుంచి మరో అప్ డేట్ వచ్చింది. ఈ సినిమా గ్లింప్స్ వీడియోను ఈనెల 28న ఉదయం 11.11 గంటలకు విడుదల చేయనున్నట్లు యూనిట్ ప్రకటించింది. అమీర్‌పేటలోని ‘AAA’ సినిమాస్‌లో గ్లింప్స్‌ను లాంచ్ చేసేందుకు ఏర్పాట్లు చేస్తున్నారు.