Multistarrer : తెలుగులో మరో మల్టీస్టారర్.. ఏకంగా ముగ్గురు యువ హీరోలతో..

Multistarrer

Multistarrer : తెలుగులో మరో మల్టీస్టారర్ సినిమా చిత్రీకరణకు రంగం సిద్ధమైంది. ఇందులో యువ హీరోలు నారా రోహిత్, మంచు మనోజ్, బెల్లంకొండ శ్రీనివాస్ నటించబోతున్నారు. నాంది సినిమా దర్శకుడు విజయ్ కనకమేడల ఆధ్వర్యంలో ఈ సినిమా రూపొందుతుండగా, ఆగస్టులోనే షూటింగ్ ప్రారంభం కాబోతున్నది.  అయితే తమిళంలో ఘనవిజయం సాధించిన గరుడన్ మూవీకి రీమేక్ అని సమాచారం. తెలుగులో కూడా ‘గరుడ’ అనే పేరును ఖరారు చేసినట్లుగా టాక్ వినిపిస్తున్నది. తమిళంలో దొరై సెంథిల్ దర్శకత్వంలో, వెట్రిమారన్ నిర్మించారు. కథను రాసింది కూడా వెట్రిమారనే కావడం విశేషం. అక్కడ ఈ సినిమా భారీ వసూళ్లు రాబట్టింది. తెలుగులో కూడా భారీ బడ్జెట్ తో తీయాలని నిర్మాతలు భావిస్తున్నారు. మరి తెగులు ప్రేక్షకులు ఎలా ఆదరిస్తారో చూడాలి.

ముగ్గురు స్నేహితుల కథనే ఈ మూవీ. పగ. ప్రతీకారాలతో మూవీ లైన్ నడుస్తుంది. ఇక తమిళ వెర్షన్ లో సూరి, శశికుమార్, ఉన్నిముకుందన్ నటించారు. ఇక ఇవే పాత్రల్లో తెలుగులో మంచు మనోజ్, నారా రోహిత్, బెల్లంకొండ శ్రీనివాస్ నటిస్తారు. నెగిటివ్ పాత్రలో మనోజ్ నటించనున్నారు. తమిళంలో ప్రభంజనం సృష్టించిన ఈ సినిమాను తెలుగులో కొన్ని మార్పులతో తీయబోతున్నారు. మంచి మాస్ కథ ఈ చిత్రానికి ప్రధాన బలం కాబోతుంది. మరి తెలుగు ప్రేక్షకులు ఈ సినిమాను ఎలా ఆదరిస్తారో వేచిచూడాలి. త్వరలోనే చిత్ర యూనిట్ ఈ మూవీ షెడ్యూల్ పై ఓ ప్రకటన విడుదల చేయనున్నట్లు సమాచారం.