Polimera-2 : పొలిమేర-2 చిత్రానికి మరో ఘనత

Polimera-2

Polimera-2 : సత్యం రాజేష్ నటించిన పొలిమేర-2 సినిమా మరో ఘనత సాధించింది. గత ఏడాది రిలీజైన హిట్టయిన ఈ చిత్రంలో సత్యం రాజేశ్ తో పాటు బాలాదిత్య, గెటప్ శ్రీను ప్రధాన పాత్రల్లో నటించారు. పొలిమేర చిత్రం బ్లాక్ బస్టర్ హిట్ కావడంతో దానికి సీక్వెల్ గా పొలిమేర-2 తెరకెక్కించారు. అనిల్ విశ్వనాథ్ దర్శకత్వం వహించిన ఈ చిత్రం బాక్సాఫీసు వద్ద కలెక్షన్ల వర్షం కురిపించింది.

తాజాగా ఈ చిత్రం అత్యంత ప్రతిష్టాత్మకమైన దాదా సాహెబ్ ఫాల్కే ఫిల్మ్ ఫెస్టివల్ లో ప్రదర్శనకు ఎంపికైనట్లు డైరెక్టర్ అనిల్ విశ్వనాథ్ తెలిపారు. చేతబడుల నేపథ్యంలో తెరకెక్కించిన ఈ సినిమాకు ప్రేక్షకుల నుంచి మంచి స్పందన వచ్చింది. ఈ సినిమాను ప్రొడ్యూసర్ కమ్ డిస్ట్రిబ్యూటర్ వంశీ నందిపాటి డిస్ట్రిబ్యూట్ చేశారు. కాగా.. త్వరలోనే ఈ మూవీ పార్ట్-3 ని కూడా తెరకెక్కంచనున్నట్లు తెలుస్తోంది.