Viral Video : ‘‘అన్నా కత్తి..పందెంలో కోడికత్తి’’..జగన్ పాలన క్రికెట్లో చూపిస్తే..వైరల్ వీడియో

Viral Video

Viral Video : ఏపీలో ఎన్నికలు మరో 8 రోజులే ఉండడంతో పార్టీల అధినేతలు, అభ్యర్థులు ప్రచారంలో బిజీబిజీగా ఉన్నారు. రోడ్ షోలు, బహిరంగ సభలతో ఒక్క క్షణం కూడా తీరికగా ఉండడం లేదు.  అలాగే అధినేతల తరుఫున కుటుంబ సభ్యులందరూ జనాల్లోకి వెళ్తున్నారు. ఇలా ఏపీలో ఎటు చూసినా ఎన్నికల సందడే కనిపిస్తోంది. ప్రజల్లో ప్రత్యక్షంగా ప్రచారం చేయడంతో పాటు సోషల్ మీడియా ప్రచారాన్ని హోరెత్తిస్తున్నారు. తాము అధికారంలోకి వస్తే ఏం చేస్తామో చెప్పడం కన్నా ప్రత్యర్థులపై దుమ్మెత్తిపోయడం, వారిని ఇరుకున పెట్టే వీడియోలు, మీమ్స్, ఆర్టికల్స్ నే క్రియేట్ చేస్తున్నారు. టీడీపీ, జనసేన నేతలను వ్యక్తిగతంగా ఇబ్బంది పెట్టేలా వైసీపీ ప్రచారం చేయిస్తోంది. ఇక జగన్ గత ఐదేళ్లుగా చేసిన పాపాలను ప్రజల ముందు టీడీపీ, జనసేన ఉంచుతున్నాయి.

తాజాగా ఓ షార్ట్ వీడియో సోషల్ మీడియాలో హల్ చల్ చేస్తోంది. క్రికెట్ నేపథ్యంగా ఈ వీడియో నవ్వులు పూయిస్తోంది. రామ్ జీ, ప్రసాద్ జీ కామెంట్రీ టైమింగ్ అదిరింది అని చెప్పవచ్చు. సైకిల్ సూపర్ రైడర్స్, కోడికత్తి వారియర్స్ మధ్య జరిగే మ్యాచ్ సరదాగా ఉండడమే కాదు ప్రజలను చైతన్యపరుస్తోంది. మొదటగా కోడికత్తి వారియర్స్ కెప్టెన్ జగన్ పేరడీ క్యారెక్టర్ విచిత్ర హావాభావాలతో బ్యాటింగ్ కు వస్తాడు. ఇక జగన్ క్యారెక్టర్ బ్యాటింగ్ స్టైల్, ఆరు బంతుల్లో ఒక్క పరుగు చేయకపోవడం..లాస్ట్ బాల్ కు క్లీన్ బౌల్డ్ కావడం జరుగుతుంది. ఇక సైకిల్ సూపర్ రైడర్స్ కెప్టెన్ చంద్రబాబు క్యారెక్టర్ బ్యాటింగ్ కు దిగి వరుసగా ఆరు సిక్స్ లు దంచుతాడు. ఒక్కో సిక్స్ సూపర్ సిక్స్ పథకాల లబ్ధిదారులకు చేరినట్టుగా ఒక్కో బాల్ ఒక్కో లబ్ధిదారు చేతిలో పడగా..వారు ఆనందంతో గంతులు వేస్తారు. ఇక ఆ తర్వాత బాల్ ఏకంగా స్టేడియంలో ఉన్న ఫ్యాన్ కు తగిలి కింద పడిపోతుంది. ప్రేక్షకులు ఆ ఫ్యాన్ ను తొక్కుకుంటూ వెళ్తారు.

ఇలా సాగుతుంది వీడియో. మొత్తానికైతే ఈ వీడియో కడుపుబ్బా నవ్వించడమే కాదు టీడీపీ సూపర్ సిక్స్ పథకాలను ప్రచారం చేయడమే లక్ష్యంగా రూపొందించారు. అలాగే జగన్ ఫ్యాన్ రెక్కలు విరిగి వైసీపీ పాలనకు చరమగీతం పాడినట్టు తీయడం బాగుంది.