Animal Trailer
Animal Trailer : రణబీర్ కపూర్, సందీప్ వంగ కాంబినేషన్ లో వస్తున్న ‘యానిమల్’ డిసెంబర్ 1వ తేదీ ప్రేక్షకుల ముందుకు రాబోతుంది. బాలీవుడ్ తో పాటు తెలుగులోనూ దీన్ని రిలీజ్ చేస్తున్నారు. చాలా అంచనాల మధ్య ఈ మూవీ ప్రేక్షకుల ముందుకు రానుంది. ఈ మూవీకి సంబంధించిన ట్రైలర్ ఈ రోజు (నవంబర్ 23)న విడుదల చేశారు. సినిమా 3 గంటల 21 నిమిషాలు ఉంటుందని మేకర్స్ ప్రకటించారు. ట్రైలర్ ను 3 నిమిషాల 32 సెకన్లకు కట్ చేశారు.
తన తండ్రి (అనిల్ కపూర్)పై కొడుకు (రణబీర్ కపూర్)కు పిచ్చి ప్రేమ ఉంటుంది. కానీ తన తండ్రి మాత్రం అతన్ని పట్టించుకోడు. దీంతో సైకోలాగా మారుతాడు. ట్రైలర్ ఎంట్రీలోనే అనిల్ కపూర్ షాక్ తినే సన్నివేశాన్ని కట్ చేశారు. ఈ సైకో డ్రామానే చిత్రానికి కీలకం. రణబీర్ కపూర్ మంచి నటనను ప్రదర్శించాడు.
అనిల్ కపూర్, బాబీ డియోల్, శక్తి కపూర్, సురేష్ ఒబెరాయ్ తదితర సీనియర్ నటులతో ఈ మూవీ ఆకట్టుకుంటుంది. ప్రతిభావంతుడైన నటుడు బబ్లూ పృథ్వీరాజ్ కూడా చాలా కాలం తర్వాత ఈ చిత్రంలో కనిపించబోతున్నారు. రష్మిక మందన్న హీరోయిన్ గా నటిస్తోంది. ట్రైలర్ లో బ్యాగ్రౌండ్ స్కోర్ ఆకట్టుకునేలా ఉంది. ఆడియన్స్ ను థియేటర్లకు రప్పించేలా ట్రైలర్ కట్ చేశారు మేకర్స్.
