Animal OTT : ‘ఎనిమల్’ ఓటీటీ విడుదల తేదీ ఫిక్స్..అదనపు సన్నివేశాలతో ఆరోజు నుండే!

Animal OTT

Animal OTT : గత ఏడాది పాన్ ఇండియా లెవెల్ లో బాక్స్ ఆఫీస్ ని షేక్ చేసిన చిత్రాలలో ఒకటి ‘ఎనిమల్’. బాలీవుడ్ బిగ్గెస్ట్ సూపర్ స్టార్స్ లో ఒకరైన రణబీర్ కపూర్ హీరో గా నటించిన ఈ సినిమా కేవలం హిందీ లో మాత్రమే కాదు, తెలుగు , తమిళ భాషల్లో కూడా బాగా ఆడింది. ప్రపంచవ్యాప్తంగా 900 కోట్ల రూపాయలకు పైగా గ్రాస్ వసూళ్లను రాబట్టిన ఈ సినిమా ఓటీటీ లో ఎప్పుడు విడుదల అవుతుందా అని అభిమానులు ఆతృతగా ఎదురు చూస్తున్నారు .

కోవిడ్ లాక్ డౌన్ కారణంగా ఓటీటీ కి బాగా అలవాటు పడిన జనాలు థియేటర్స్ లో కంటే ఇప్పుడు ఎక్కువగా ఓటీటీ లో చూసేందుకే ఇష్టపడుతున్నారు. అలాంటి వారికి ఇప్పుడు ఒక గుడ్ న్యూస్. ఈ చిత్రం జనవరి 26 వ తేదీ, రిపబ్లిక్ డే సందర్భంగా ఓటీటీ లో విడుదల కాబోతుంది.

ఈ చిత్రం డిజిటల్ రైట్స్ ని నెట్ ఫ్లిక్స్ సంస్థ ఫ్యాన్సీ రేట్ కి కొనుగోలు చేసింది. ఒప్పందం ప్రకారం జనవరి 12 వ తారీఖునే ఈ సినిమా విడుదల అవ్వాల్సి ఉంది. కానీ ఇంకా థియేట్రికల్ రన్ వస్తుండడం తో జనవరి 26 వ తేదికి విడుదల చెయ్యాలని నెట్ ఫ్లిక్స్ సంస్థ ని మూవీ టీం రిక్వెస్ట్ చేసిందట, అందుకే వాయిదా వేసినట్టు తెలుస్తుంది. ఈ ఓటీటీ వెర్షన్ లో థియేటర్స్ లో మనం చూడని కంటెంట్ ని కూడా జత చేయబోతున్నారట. ఇది ఇలా ఉండగా ఈ సినిమా వెయ్యి కోట్ల రూపాయిల గ్రాస్ ని అందుకుంటుందని అందరూ అనుకున్నారు. కానీ ‘సలార్’ మూవీ వసూళ్ల సునామి, ఈ సినిమాని వెయ్యి కోట్ల రూపాయిల టార్గెట్ ని అడ్డుకుంది. లేకపోతే ఈ చిత్రం #RRR కంటే ఎక్కువ వసూళ్లను రాబట్టి ఉండేది అని ట్రేడ్ పండితులు చెప్తున్నారు.

థియేటర్స్ లో ఆడియన్స్ ని విపరీతంగా ఆకట్టుకున్న ఈ సినిమా ఓటీటీ ఆడియన్స్ ని కూడా అలరిస్తుందో లేదో చూడాలి. ఇక ఈ సినిమాకి సీక్వెల్ గా ‘ఎనిమల్ పార్క్’ అనే చిత్రాన్ని కూడా త్వరలో తెరకెక్కించబోతున్నట్టు డైరెక్టర్ సందీప్ వంగ తెలిపిన సంగతి తెలిసిందే. త్వరలోనే ఈ మూవీ షూటింగ్ ని ప్రారంభించి ఈ ఏడాది లో విడుదల చెయ్యడానికి సన్నాహాలు చేస్తున్నాడు సందీప్ వంగ.