Anakapalli
Anakapalli : అనకాపల్లి జిల్లాలోని కొప్పుగుండుపాలెంలో విద్యార్థిని హత్యకేసు నిందితుడు సురేశ్ ఆత్మహత్య చేసుకున్నాడు. రాంబవల్లి మండలం కొప్పుగుండుపాలెం శివారులో అతడి మృతదేహాన్ని గుర్తించారు. బాలికను హత్య చేసిన నిందితుడి కోసం గత నాలుగు రోజులుగా పోలీసులు 12 బృందాలుగా ఏర్పడి గాలిస్తున్నారు. ఈ క్రమంలో ఈరోజు (గురువారం) కొప్పుగుండుపాలెం పరిసరాలలో మృతదేహం లభ్యమైంది.
ఈ నెల 6న తొమ్మిదో తరగతా విద్యార్థిని దర్శినిని ప్రేమోన్మాది సురేశ్ గొంతు కోసి హత్య చేశాడు. పరారీలో ఉన్న నిందితుడ ఆచూకీ తెలిపినవారికి పోలీసులు రూ.50 వేలు ఇస్తామని ప్రకటించారు. సురేశ్ ఆచూకీ కోసం బృందాలుగా ఏర్పడి గాలించారు. ఈ క్రమంలో నిందితుడు ఆత్మహత్యకు పాల్పడ్డాడు.