Kodada
Kodada : కోదాడ వద్ద జాతీయ రహదారిపై రోడ్డు ప్రమాదం జరిగింది. ఆగి ఉన్న ప్రైవేటు బస్సును ఆర్టీసీ బస్సు ఢీకొన్న ఘటనలో 30 మంది ప్రయాణికులు గాయపడ్డారు. ఈ ఘటన హైదరాబాద్-విజయవాడ జాతీయ రహదారిపై కోదాడ సమీపంలోని కట్టకొమ్ముగూడెం వద్ద జరిగింది. హైదరాబాద్ నుంచి విజయవాడ వైపు వెళ్తున్న ఆర్టీసీ బస్సు జాతీయ రహదారిపై కట్టకొమ్ముగైడెం వద్ద ఆగి ఉన్న ప్రైవేటు బస్సును ఢీకొట్టింది. ఈ పమాదంలో 30 మంది ప్రయాణికులకు గాయాలయ్యాయి.
రోడ్డు ప్రమాదం సమాచారం తెలియగానే పోలీసులు ఘటనా స్థలానికి చేరుకొని సహాయక చర్యలు చేపట్టారు. క్షతగాత్రులను కోదాడ ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.