Pushpa-2 : అమ్మో శ్రీలీల చిన్నదేం కాదు.. పుష్ప-2లో  గట్టిగానే లాగేసిందట.?

Pushpa-2 : ఇటీవల దేశ వ్యాప్తంగా చర్చనీయాంశంగా మారిన సినిమా పుష్ప-2. గత ఆరు నెలలుగా ఈ సినిమా గురించి ఏదో అంశంపై ఫిలిం ఇండస్ర్టీలో చర్చ సాగుతూనే ఉన్నది. ప్రస్తుతం దేశంలో అత్యధిక ప్రీ రిలీజ్ బిజినెస్ ఇదేనంటూ బాలీవుడ్ పెద్దలు లెక్కలు వేస్తున్నారు. ఇక సినిమా విడుదల, బిజినెస్ సంగతి అలా ఉంచితే ఇందులో ఐటెం సాంగ్ గురించి ఎప్పటి నుంచో చర్చ జరుగుతున్నది. సుకుమార్ సినిమాల కథ ఎలా ఉన్నా ఎక్కడో ఒక చోట ఓ మాస్ ఐటెం సాంగ్ మాత్రం కచ్చితంగా పెడతాడు. ఇప్పటి దాకా తన ప్రతి సినిమాలో ఓ ఐటెం సాంగ్ పెడుతూ వచ్చాడు.

ఇక పుష్ప పార్ట్-1 లో ఊ అంటావా మావా పాట అయితే దేశ వ్యాప్తంగా సంచలనం రేపింది. ఇక ఇందులో చేసిన సమంత  పేరు దేశ వ్యాప్తంగా మార్మోగింది.  కొన్ని రోజుల పాటు ఈ పాట ట్రెండింగ్ లో ఉంది. ఇక దేవిశ్రీ ప్రసాద్ పుష్ప-2లో ఐటెం సాంగ్ ఎలా కంపోజ్ చేయబోతున్నాడు,  అందులో నటించే ఆ స్టార్ హీరోయిన్ ఎవరై ఉంటారనే చర్చ ఎప్పటి నుంచో సాగుతున్నది. మొన్నటి దాకా పలానా హీరోయిన్ అంటూ బాలీవుడ్ స్టార్ల పేర్లు వినిపించాయి. ఇక ఆ బాలీవుడ్ స్టార్లను కాదని టాలీవుడ్ స్టార్ హీరోయిన్ శ్రీలీల ఆ చాన్స్ కొట్టేసిందని రెండు మూడు రోజులుగా  చర్చ జరుగుతున్నది.

పుష్ప-2లో ఐటెం సాంగ్ కోసం బాలీవుడ్ హీరోయిన్లు ఊర్వశి రౌతేలా, కృతిసనన్, శ్రద్ధా కపూర్ లాంటి స్టార్ హీరోయిన్ల పేర్లు వినిపించాయి. కానీ వీళ్లు భారీగా రెమ్యూనరేషన్ డిమాండ్ చేయడంతో పాటు కండీషన్లు, అదనపు సౌకర్యాలు కోరడంతో సుకుమార్ కు చిర్రెత్తుకొచ్చిందట. ఇక టాలీవుడ్ లో తన డ్యాన్స్ తో దుమ్ము రేపుతున్న  శ్రీలలకు అంతే రెమ్యునరేషన్ ఇచ్చేందుకు వెనుకాడలేదట. ఇక భాష కూడా సులువుగా అర్థం చేసుకుంటుందని సుకుమార్ భావించాడట. డ్యాన్స్ లో బన్నీకి ధీటుగా స్టెప్పలేయగలదు. ఆమె డ్యాన్స్ స్పార్క్ పాటకు మరింత హైలెట్ అవుతుందని సుకుమార్ శ్రీలీలకు రూ. 5 కోట్లు ఆఫర్ ఇచ్చాడట. ఇక ఎప్పటి నుంచో బాలీవుడ్ ఆఫర్ల కోసం వెతుకుతున్న శ్రీలీల వెంటనే ఓకే చేసిందట. అటు పేరు ఇటు డబ్బుతో పాటు బాలీవుడ్ లోనూ  తన పేరు మార్మోగుతుందని శ్రీలీల భావిస్తుందట. దీంతో అమ్మో శ్రీలీల చిన్నదేం కాదు.. గట్టిగానే ప్లాన్ చేసిందని టాలీవుడ్ జనాలు చర్చించుకుంటున్నారు.