Actor Rajashekhar
Actor Rajashekhar : సీనియర్ నటుడు, హిరో రాజశేఖర్ కు అమెజాన్ నుంచి బంపర్ ఆఫర్ వచ్చింది. ఇప్పటికే అమెజాన్ పలు వెబ్ సిరీస్ లను నిర్మిస్తూ దూసుకుపోతుంది. డిజిటల్ ఓటీటీ ప్లాట్ పాంలో అత్యధిక మంది అమెజాన్ ఫ్రైమ్ లో మూవీస్ చూస్తుంటారు. అయితే చాలా రోజుల తర్వాత రాజశేఖర్ మళ్లీ తెరపై కనిపించనున్నట్లు సమాచారం.
అమెజాన్ ప్రైమ్ తీసుకొస్తున్న ఈ మూవీని దాదాపు భారీ బడ్జెట్ తో తీయనున్నట్లు తెలుస్తోంది. ఈ సినిమాను స్ఫై సినిమా దర్శకుడు తెరకెక్కించనున్నాడు. స్ఫై సినిమాను గ్యారీ అనే నూతన దర్శకుడు తీయగా.. అది డిజాస్టర్ గా మిగిలింది. నిఖిల్ కు కార్తికేయ 2 తర్వాత వచ్చిన ఈ మూవీ అంచనాలను అందుకోలేకపోయింది. నిఖిల్ ఈ సినిమా మీద చాలా హోప్స్ పెట్టుకున్నప్పటికీ నిరాశ పరిచింది. ఒకానొక సమయంలో క్లైమాక్స్ కంప్లీట్ కాకుండానే ఈ సినిమాను విడుదల చేశారని అందుకే ఫెయిల్ అయిందని నిఖిల్ ఒక కార్యక్రమంలో అనడంతో నిర్మాత, దర్శకుడికి మధ్య ఉన్న విబేధాలు బయపటపడ్డాయి.
ప్రస్తుతం డైరెక్టర్ గ్యారీ తన రెండో సినిమాను సీనియర్ హిరో రాజశేఖర్ తో తెరకెక్కించనుండడంతో అంచనాలు అమాంతం పెరిగిపోయాయి. రాజశేఖర్ నటించిన గరుడవేగ మూవీ అందరినీ అలరించింది. గూడచారి వ్యవస్థ ద్వారా ఉగ్రవాదులను మట్టుబెట్టే పాత్రలో రాజశేఖర్ అద్భుతంగా నటించారు. ఆ సినిమా అనంతరం రాజశేఖర్ పెద్దగా సినిమాలు తీయలేదు.
రాజశేఖర్ జీవిత దంపతుల కూతుళ్లు శివాణి, శివాత్మిక హిరోయిన్లుగా నటిస్తుండడంతో వారితోనే బిజీగా ఉంటున్నట్లు తెలుస్తుంది. ఈ సమయంలో కథ నచ్చడంతో అమెజాన్ ప్రైమ్ తో మూవీ చేయడానికి రాజశేఖర్ సిద్ధమయ్యాడు. ఈ సినిమాలో ఇంకా ఇద్దరు యంగ్ హిరోలు కూడా నటించనున్నట్లు సమాచారం. నితీన్ నటించిన ఎక్స్ స్ట్రా అనే మూవీలో ఈ మధ్యలో రాజశేఖర్ నటించారు. ఆ సినిమా పెద్దగా ఆడలేదు. మరో భారీ చిత్రంలో ఆయన కు కీలక పాత్ర దొరికనట్లు తెలుస్తుంది. ఇప్పటి వరకు రాజశేఖర్ హిరోగా మాత్రమే నటించారు. ఆ మూవీలో విలన్ గా కూడా నటించే అవకాశం ఉన్నట్లు సమాచారం.