Puspa 2 : అల్లు ఫ్యాన్స్ గెట్ రెడీ.. ‘పుష్ప 2’ ట్రైలర్ లాక్!

Puspa 2 Trailer : అల్లు అర్జున్ ఫ్యాన్స్ ఎప్పుడెప్పుడా అని ఎదురు చూస్తున్న సమయం రానే వచ్చేసింది. ఇప్పటి వరకు ‘పుష్ప 2’ నుంచి వచ్చిన ప్రమోషనల్ కంటెంట్ జస్ట్ శాంపిల్ మాత్రమే. ఒక్కసారి ట్రైలర్ బయటికొస్తే పాన్ ఇండియా బాక్సాఫీస్ బద్దలయ్యేలా ఉంది. లేటెస్ట్‌గా ట్రైలర్ గురించి సాలిడ్ అప్డేట్ ఇచ్చింది చిత్రబృందం. ఇటీవల త్వరలోనే ట్రైలర్ రిలీజ్ చేస్తామని ప్రకటించగా.. ఇప్పుడు ట్రైలర్ లాక్ అయినట్టుగా ప్రకటించారు. ట్రైలర్ అనౌన్స్‌మెంట్ రాబోతుంది.. డిసెంబర్ 5న పుష్పరాజ్ రూలింగ్ మొదలు కానుందని.. మరోసారి రిలీజ్ డేట్ కన్ఫామ్ చేశారు. అంటే.. పుష్ప2 ట్రైలర్ అనౌన్స్మెంట్ ఏ క్షణమైనా రావొచ్చన్నమాట. దీంతో.. అల్లు ఫ్యాన్స్ వెయిటింగ్ అని అంటున్నారు. ఖచ్చితంగా ఈ ట్రైలర్ ఆల్ టైం రికార్డ్ క్రియేట్ చేస్తుందని అంతా భావిస్తున్నారు.

ఇండస్ట్రీ వర్గాల సమాచారం ప్రకారం.. ఈ ట్రైలర్‌ను సుకుమార్ నెక్స్ట్ లెవల్ అనేలా కట్ చేసినట్లు తెలుస్తోంది. బన్నీ అమ్మవారి గెటప్, యాక్షన్ కట్స్, ఎమోషనల్ కట్స్ ట్రైలర్‌లో హైలెట్‌గా నిలుస్తాయని అంటున్నారు. ట్రైలర్ రన్ టైం వచ్చేసి రెండున్నర నిమిషాలకు పైగానే ఉంటుందని తెలుస్తోంది. ఈ ట్రైలర్‌ను నవంబర్ 15న రిలీజ్ చేసే ఛాన్స్ ఉందని అంటున్నారు. ప్రస్తుతం సుకుమార్ టీమ్ బన్నీ, శ్రీలీలపై అదిరిపోయే ఐటెం సాంగ్ షూట్ చేస్తున్నారు. నాలుగైదు రోజుల్లో ఈ సాంగ్ షూట్ పూర్తి కానుంది. ఇక్కడితో పుష్ప2 షూటింగ్‌కు గుమ్మడికాయ కొట్టేయనున్నారు. ఆ తర్వాత ట్రైలర్ రిలీజ్ చేసి.. పాన్ ఇండియా లెవల్లో ప్రమోషన్స్ స్టార్ట్ చేయనున్నారు. ఏదేమైనా.. పుష్ప2 ట్రైలర్ పై మాత్రం ఎక్స్‌పెక్టేషన్స్ పీక్స్‌లో ఉన్నాయి. మరి సుకుమార్ ఏ రేంజ్‌లో ట్రైలర్ కట్ చేశాడో తెలియాలంటే.. మరికొన్ని రోజులు వెయిట్ చేయాల్సిందే.