Allu Arjun Warns Trivikram
Allu Arjun Warns Trivikram : టాలీవడ్ లో ప్రతీ స్టార్ హీరో కూడా పనిచేయాలి అనే దర్శకులలో ఒకడు త్రివిక్రమ్ శ్రీనివాస్. డైలాగ్ రైటర్ గా స్క్రీన్ ప్లే రైటర్ గా కెరీర్ ని ప్రారంభించిన ఆయన నేడు టాప్ 3 దర్శకులలో ఒకడిగా నిలిచాడు. కానీ ఎంత పెద్ద స్టార్ డైరెక్టర్ అయినా కూడా ఎదో ఒక సమయం లో గడ్డు కాలం ఎదురుకోక తప్పదు. ప్రస్తుతం త్రివిక్రమ్ కి అలాంటి గడ్డు కాలమే నడుస్తుంది. రీసెంట్ గా ఆయన రచన పటిమ మీద తీవ్రమైన విమర్శలు వస్తున్నాయి.
‘అలా వైకుంఠపురంలో’ చిత్రం తర్వాత త్రివిక్రమ్ శ్రీనివాస్ పవన్ కళ్యాణ్ హీరో గా నటించిన ‘భీమ్లా నాయక్’, ‘బ్రో’ వంటి చిత్రాలకు స్క్రీన్ ప్లే మరియు మాటలు అందించాడు. పవన్ కళ్యాణ్ కి ఉన్నటువంటి క్రేజ్ వల్ల ఆ ఆ రెండు సినిమాలు పర్వాలేదు అనే రేంజ్ లో ఆడాయి కానీ, లేకపోతే త్రివిక్రమ్ నాసిరకపు స్క్రీన్ ప్లే రైటింగ్ కి పెద్ద డిజాస్టర్ ఫ్లాప్స్ గా నిలిచేది అని అంటున్నారు ట్రేడ్ పండితులు.
ఇక రీసెంట్ గా విడుదలైన ‘గుంటూరు కారం’ చిత్రం అయితే భారీ డిజాస్టర్ ఫ్లాప్ గా నిల్చింది. ఎన్నో అంచనాల నడుమ విడుదలైన ఈ సినిమా మొదటి ఆట నుండే అంచనాలను అందుకోవడం లో విఫలం అయ్యింది. సంక్రాంతి సెలవుల కారణం గా ఈ చిత్రానికి ఆంధ్ర ప్రదేశ్ సైడ్ డీసెంట్ స్థాయి వసూళ్లు వచ్చాయి కానీ, తెలంగాణ ,సీడెడ్, ఓవర్సీస్ మరియు కర్ణాటక వంటి ప్రాంతాలలో ఘోరమైన డిజాస్టర్ ఫ్లాప్ గా నిల్చింది. చాలా కాలం నుండి వరుస విజయాలతో దూసుకుపోతున్న మహేష్ స్పీడ్ కి బ్రేకులు వేసింది ఈ చిత్రం. ఈ సినిమా షూటింగ్ జరుగుతున్న సమయం లోనే త్రివిక్రమ్ శ్రీనివాస్ తన తదుపరి చిత్రం అల్లు అర్జున్ తో ఉంటుందని చెప్పుకొచ్చాడు.
అయితే ‘గుంటూరు కారం’ ఫలితం చూసిన తర్వాత అల్లు అర్జున్ త్రివిక్రమ్ ని దూరం పెట్టేసినట్టు తెలుస్తుంది. ఇప్పుడు కాదు లేండి, కొంతకాలం రెస్ట్ తీసుకొని రండి చేద్దాం అని అన్నాడట. అల్లు అర్జున్ మాటలకు నొచ్చుకున్న త్రివిక్రమ్, ఆ సినిమాని పక్కన పెట్టి నాని తో ఒక సినిమా చెయ్యడానికి సిద్ధం అయిపోయాడు. అతి త్వరలోనే ఈ సినిమా షూటింగ్ ప్రారంభం కాబోతుంది అట. ఈ సినిమాలో విక్టరీ వెంకటేష్ కూడా మరో హీరోగా నటించబోతున్నట్టు టాక్.