Allu Arjun and Pawan Kalyan
Allu Arjun : ఆంధ్ర ప్రదేశ్ రాష్ట్రంలో ఎన్నికల పోలింగ్ కు సమయం ఆసన్నమైనది. రాజకీయ నాయకుల ప్రచారం రోజు,రోజుకు వేడెక్కిపోతోంది. పోటా, పోటీగా ప్రచారం చేస్తున్నారు నాయకులు. ఒకరిని మించి మరొకరు వాగ్దానాలు ఇస్తూ ఓటర్లను ఆకట్టుకుంటున్నారు. తమ వాళ్లను గెలిపించుకోవడానికి ప్రముఖులు, మేధావులు, సినిమా నటులు, ఇతర దేశాల్లో ఉన్న వారు రంగంలోకి దిగుతున్నారు. విస్తృత ప్రచారం చేస్తున్నారు.
ఇప్పుడు ఏపీ లో జనసేన అధినేత పవన్ కళ్యాణ్ వైసీపీ అధినేత జగన్ మోహన్ రెడ్డిని ఓడించడానికి సుడిగాలి పర్యటన చేస్తూ ఓటర్లను ఆకట్టుకుంటున్నారు. పవన్ కళ్యాణ్ కు మద్దతుగా సినీ పరిశ్రమ రంగంలోకి దిగింది. అంతేకాదు మెగా చిరంజీవి కుటుంబం అంత కూడా ప్రచారంలో దూసుకుపోతున్నారు. మెగా కుటుంబానికి చెందిన నటులు అంత కలిసి కట్టుగా ప్రచారం చేస్తున్నారు. సోషల్ మీడియా వేదికగా పవన్ కళ్యాణ్ కోసం ప్రచారం చేస్తున్నారు. సినీ ప్రముఖులు కూడా సాధ్యమైనంత మేరకు విస్తృత పర్యటనలు చేస్తున్నారు. జగన్ పరిపాలనలో సినీ పరిశ్రమ ఎదుర్కొన్న ఇబ్బందులను వివరిస్తూ జనసేనకు మద్దతు ఇవ్వాలని ఓటర్లను కోరుతున్నారు.
ఇది ఇలా ఉండగా ప్రముఖ నటుడు అల్లు అర్జున్ మిత్రుడు రవిచంద్ర కిషోర్ రెడ్డ్ వైసీపీ పార్టీ నుంచి నంద్యాల అసెంబ్లీ నియోజకవర్గం నుంచి పోటీ చేస్తున్నారు. ఆయన విజయం కోసం శనివారం కుటుంబ సమేతంగా నంద్యాల వెళుతున్నారు . గెలుపును ఆకాంక్షిస్తూ శుభాకాంక్షలు తెలుపడానికి వెళుతున్నట్టుగా అయన అభిమానుల సమాచారం. ప్రచారం చేయడానికి అల్లు అర్జున్ వస్తున్నాడని రవి చంద్ర కిషోర్ రెడ్డి అనుచరులు చెబుతున్నారు. ఏది ఏమైనప్పటికి అల్లు అర్జున్ నంద్యాల కు వస్తున్న సందర్భంగా ఆయన అభిమానులు స్వాగతం పలకడానికి భారీ ఏర్పాట్లు చేస్తున్నారు.
పవన్ కళ్యాణ్ నా కుటుంబ సభ్యడు. ఆయనంటే నాకు ఎంతో అభిమానం. ఈ ఎన్నికల్లో గెలవాలని మనసారా కోరుకుంటున్నాను. పవన్ కళ్యాణ్ కు నాతో పాటు నా అభిమానుల మద్దతు కూడా సంపూర్ణంగా ఉంటుంది. ఆయన గెలుపు కోసం నా అభిమానులు కూడా ప్రచారం చేస్తున్నారు. మెగా కుటుంబంలో ఎవరికి ఏ అవసరం వచ్చిన అందరూ కలిసి కట్టుగా అండగా నిలబడతాం అంటూ సోషల్ మీడియా వేదికగా అల్లు అర్జున్ ప్రకటించారు.