Search
HomeExclusive

Allu Arjun:`యానిమ‌ల్` మూవీపై అల్లు అర్జున్ ఇంట్రెస్టింగ్ కామెంట్స్

Allu Arjun:`అర్జున్ రెడ్డి`తో టాలీవుడ్‌లో సంచ‌ల‌నం సృష్టించిన ద‌ర్శ‌కుడు సందీప్‌రెడ్డి వంగ‌. ఇదే సినిమాని హిందీలో `క‌బీ్‌సింగ్‌` పేరుతో రీమేక్ చేసి అక్క‌డ కూడా ఇదే త‌ర‌హాలో సంచ‌ల‌నం సృష్టించారు. దీని త‌రువాత సందీప్ రెడ్డి వంగ తెర‌కెక్కించిన ఎమోష‌న‌ల్ యాక్ష‌న్ ఎంట‌ర్ టైన‌ర్ `యానిమ‌ల్‌`. టాలెంటెడ్ హీరో ర‌ణ్‌బీర్ కపూర్ న‌టించ‌గా టి సిరీస్‌, భ‌ద్ర‌కాళి పిక్చ‌ర్స్ సంస్థ‌లు సంయుక్తంగా నిర్మించాయి. నేష‌న‌ల్ క్ర‌ష్ రష్మిక మంద‌న్న హీరోయిన్‌గా న‌టించిన ఈ సినిమా డిసెంబ‌ర్ 1న భారీ స్థాయిలో ప్ర‌పంచ వ్యాప్తంగా విడుద‌లైంది.

వ‌ర‌ల్డ్ వైడ్‌గా రికార్డు స్థాయి విజ‌యాన్ని సొంతం చేసుకున్న `యానిమ‌ల్‌` విడుద‌లైన ఆరు రోజుల్లోనే ప్ర‌పంచ వ్యాప్తంగా రూ.500 కోట్లు రాబ‌ట్టి ట్రేడ్ వ‌ర్గాల‌కు షాక్ ఇచ్చింది. ఇదిలా ఉంటే ఇందులో టైటిల్ పాత్ర పోషించిన హీరో ర‌ణ్‌బీర్ క‌పూర్‌, విల‌న్‌గా న‌టించిన బాబి డియోల్‌, తండ్రిగా క‌నిపించిన అనిల్ క‌పూర్‌, ద‌ర్శ‌కుడు సందీప్ రెడ్డి వంగ‌ల‌పై ప్ర‌ముఖులు ప్ర‌శంస‌లు కురిపిస్తున్నారు. ఇటీవ‌ల ద‌ర్శ‌కుడు రామ్ గోపాల్ వ‌ర్మ‌, హ‌రీష్ శంక‌ర్ ఈ సినిమాపై ఎక్స్‌ట్రార్డిన‌రీ రివ్యూస్ ఇచ్చారు.

ఇక హీరోయిన్‌ల‌లో త్రిష‌, ప‌వ‌న్‌క‌ల్యాణ్ మాజీ భార్య రేణూ దేశాయ్ తో పాటు చాలా మంది ఈ సినిమాపై ప్ర‌శంస‌ల వ‌ర్షం కురిపించారు. సినిమా సూప‌ర్ అంటూ సోష‌ల్ మీడియా వేదిక‌గా పోస్ట్‌లు పెట్టారు. అవి నెట్టింట వైర‌ల్‌గా మారిన విష‌యం తెలిసిందే. తాజాగా ఈ జాబితాలోకి పాన్ ఇండియా హీరో, ఐకాన్ స్టార్ అల్లు అర్జున్ చేరారు. బైండ్ బ్లోయింగ్ మూవీ అని, సినిమా బ్రిలియ‌న్స్ అద్భుతం అని ప్ర‌శంస‌లు కురిపించారు. ర‌ణ్‌బీర్ భార‌తీయ సినిమాను నెక్స్ట్ లెవెల్‌కు తీసుకెళ్లార‌ని, ర‌ష్మిక‌, బాబి డియోల్‌, అనిల్ క‌పూర్ అద్భుతంగా న‌టించార‌న్నారు.

`డైరెక్ట‌ర్ సందీప్ మీరు అన్ని సినిమా ప‌రిమితుల‌ను అధిగ‌మించారు. మీరు మ‌రోసారి మా అంద‌రినీ గ‌ర్వ‌ప‌డేలా చేశారు. మీ సినిమాలు భ‌విష్య‌త్తులో భార‌తీయ సినిమా ముఖ‌చిత్రాన్ని ఎలా మార్చ‌బోతున్నాయో స్ప‌ష్టంగా క‌నిపిస్తోంది` అంటూ ట్వీట్ చేశారు. బ‌న్నీ చేసిన ట్వీట్ ప్ర‌స్తుతం సోష‌ల్ మీడియాలో వైర‌ల్‌గా మారింది.

TAGS