NTR : ఎన్టీఆర్ ఫోకస్ అంతా దానిపైనే.. సమ్మర్ వెకేషన్ కూడా క్యాన్సిల్ చేసుకుని..

NTR

NTR : సమ్మర్ వస్తుందనగానే మన హీరోలు వెకేషన్ మూడ్ లోకి వెళ్లిపోతుంటారు. కుటుంబ సభ్యులతో కలిసి శీతల దేశాలకు టూర్ ప్లాన్ చేసుకుంటారు. ఇప్పటికే పలువురు హీరోలు  విహార యాత్రలకు రెడీ అవుతున్నారు. వేసవిలో మన దగ్గర భగభగమండే ఎండలు ఉంటాయి. ఈ రెండు నెలలు షూటింగ్ లు చేయడం చాలా ఇబ్బందిగా ఫీలవుతుంటారు. అలా ఓ పది రోజులు ఏదైనా యూరప్ కంట్రీకి వెళ్లి సేదతీరాలని తహతహలాడుతుంటారు.

అయితే ఎన్టీఆర్ ఈ సమ్మర్ లో ఏదీ ప్లాన్ చేస్తున్నట్టు కనపడడం లేదు. రెస్ట్ తీసుకునే టైమ్ ఆయనకు దొరకడం లేదు. ‘దేవర’ సినిమాను వీలైనంత తొందరగా ముగించేపనిలో ఆయన నిమగ్నమై ఉన్నారు. ఎన్టీఆర్-కొరటాల కాంబోలో వస్తున్న ఈ సినిమాతోనే జాన్వికపూర్ తెలుగులోకి ఎంట్రీ ఇస్తోంది. ఈ సినిమా షూటింగ్ శరవేగంగా జరుగుతోంది. కీలక సన్నివేశాలను హైదరాబాద్ లో చిత్రీకరిస్తున్నారు. యాక్షన్ పార్ట్ దాదాపు పూర్తి అయ్యింది.

ఈ వారంలో మూవీ యూనిట్ గోవా వెళ్లనుంది. అక్కడ ఎన్టీఆర్-జాన్వీలపై ఓ పాటను, కొన్ని సన్నివేశాలను తెరకెక్కించనున్నారు. ఈ చిత్రాన్ని రెండు భాగాలుగా రూపొందిస్తున్నారు. తొలి భాగం దసరా కానుకగా అక్టోబర్ 10న విడుదల చేయనున్నారు. ఈ మూవీకి అనిరుథ్ సంగీతం అందిస్తున్నారు. ఈ మూవీలో ఎన్టీఆర్ రెండు పాత్రల్లో కనిపించనున్నట్లు తెలుస్తోంది. ఆర్ఆర్ఆర్ తర్వాత ఎన్టీఆర్ చేస్తున్న మూవీ కావడం, జనతా గ్యారేజ్ తర్వాత ఎన్టీఆర్, కొరటాల కాంబో రిపీట్ అవుతుండడంతో ఈ సినిమాపై భారీ అంచనాలు నెలకొన్నాయి.